पिलिपिया 2:16 - पवित्र पोल्‍ले

¹⁶ पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

पिलिपिया 2:16 Cross References

मत्‍तयाल 10:27

नना मीकु हीकटते वेहतवुन, मिमेट वेलगुने होंचि वेहट. नना मी केव्‍कुने वेहतवुन मिमेट येनागर्रापोर्रो एक्‍किसि वेहट.

लूकाल 12:8

“नना मीकु वेहांतन, बोर अय्ते लोकुल्‍कुना मुन्‍ने नाकुन एरपाट कींतन इंचि ओप्‍कुंतोरो, मनकना रूपमते पुटतोन ननागुडा ओन पेनदा दूताना मुन्‍ने, ‘एरपाट कींतन’ इंचि ओप्‍कुंतन.

योहान 6:63

मेंदुल पिस्वर हिया परो, दानकु बतल विलुवा हिल्‍ले. सिराप पेनदा आत्मे पिस्वर हींता. नना वेहना पोल्‍लेंगें आत्मा आनि पिस्वर आंद.

योहान 6:68

अस्‍के सिमोन पत्रु, “सामि, मोमोट इंका बोनगा दाकोम? बस्‍केळ्‍क पिस्सना पिस्वर हियना पोल्‍लें अय्ते निहागेन मंतां!

प्रेरितुल्‍कुना कबाह्‍क 13:26

मावा दादालोरिटा, अब्राहामुना वंसमतोरिटा आनि पेनदुक वेरियना वेरे जातितोरिटा! मुक्‍ति हियना बेसता कबुरतुन पेन मनागा लोहचीता.

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

1 कुरेंति 9:26

अदुनहाटीं नना बद जेगातगळ्क अय्ते वित्‍तना, अगळ्क बेस वित्‍तंतन, ननागुडा पिळ्किलते गुद्‍सेक लडांचंतन, वळिते लडांचताप आयो.

गलातिया 2:2

नाकु अगा तप्‍पाकोंटा होनापींता इंचि पेन वेहचि हुपिस्ताहाटीं नना होत्‍तन. पेनदाहाटीं नना कीता कस्‍टम एर्तम आयानायो इंचि यहुदि आयवोर्क नना वेहता बेसता कबुरतुन अगटा लीडर्कुन बाजुंक केय्‍सि ओर्क वेहतन.

गलातिया 4:11

नना मीवाहाटीं कीता कस्‍टम वट्‍टिदे आंता बारे इंचि नाकु मीवा बारेमते वेर्रे वस्‍सेक मंता.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

पिलिपिया 1:6

मीवा नड्‍डुम इच्‍चोन बेसता कबळतुन पेने सुरुव कीता. इद कबळ पुरागा आयनदाका, इत्‍ते येसु किरिस्‍तु मर्रा तिरियसि वायना रोजुनदाका पेने इद कबाटुन ताकिच्‍चेक इर्रंता इंचि नाकु पुरागा बरोसा मंता.

1 तेसलोनि 2:19

मावा आसे आयि, मावा कुसि आयि, मना येसु सामि मर्रा वायानस्के ओना मुन्‍ने मावा पेद्‍दातनमता किरिटम आयि! बतल आंद? मिमेट आयिरा?

1 तेसलोनि 3:5

अदुनहाटीं नना आगा पर्राहिल्‍लेन. पट्‍टु हूळानोर मीवा पट्‍टु हूळतोरा बतला, मोमोट कीता कस्‍टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.

इब्रि 4:12

बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 योहान 1:1

मोट्‍टा मोदोल्ताल बोर अय्ते मत्‍तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्‍कुने हूळतोम, मंचिगा हूळसि मावा कय्‍कुने ओन इट्तोम. पिस्वर हिय्यना पोल्‍ले ओरे आंदुर.

पेन हुपिस्‍ता पोल्‍लें 22:17

पेनदा आत्मा आनि मरमिना पेगिड, “हिक्‍के वा” इंचि वेहांता. केंजानोरगुडा, “वा” इंचि इन्‍निरकांटी. दूपा आसि मत्‍तोर बोरे आयिर इद पिस्वर हियना एतुन पुक्‍कटते उन्‍ना वच्‍चु.