पिलिपिया 2:11 - पवित्र पोल्ले11 इंका “येसु किरिस्ते सामि आंदुर,” इंचि हरेक नाल्के ओप्कुनगोम. इल्हा पेनबाबांक कदर दोर्कना इंचि अल्हा कीता. See the chapter |
पिलिपिया 2:11
30 Cross References
मिमेट नाकुन गुरु, सामि इंचि केयंतिर. नना गुरु, सामिन आंदुन, अदुनहाटीं मिमेट इनानद बरोबरे. नना गुरुन, सामिन आसिगुडा मीवा काल्क नोरतन. अय्ते मिमेटगुडा वरोना काल्क वरोर नोरसेके सेवा कियना. नना मीकु निजम-निजम वेहासेक, वरोर दासि मनकल ओना मालकुंकन्ना पेद्दा आयोर. अल्हेन वरोर कबुरतोर ओन लोहतोनकन्ना पेद्दा आयोर. नना बल्हा अय्ते कीतनो, अल्हेन मिमेटगुडा कियना इंचि, इद उंदि उदाहरन हुपिस्तन.
इव अन्नि पोल्लें वेहमळ आतस्के, येसु पोर्रो स्वर्गमताहेके हूळसेक इल्हा पारतना कियालय दल्गतोर. “बाबा, अंटोर लोकुल्कुनपोर्रो निमे नाकु अदिकारम हीतिन. दीनहेंदाल निमे बोर्कुन अय्ते नाकु हीतिनो, ओर्क अंटोर्क नना बस्केळ्क पिस्सना पिस्वर हीकन. निमे वरोने सत्तेम पेनदुन आंदिन, बोर अय्ते नीकुन, निमे लोहता येसु किरिस्तुन एरपाट कींतुरो ओर्के आ बस्केळ्क पिस्सना पिस्वर दोर्कंता. निमे नाकु बव कबाह्क अय्ते कियालय हीतिनो, अवुन पुरागा कीसि, नना बूमिपोर्रो नीवा महिमा कीतन. इंदके नावा वेला एव्ता. अदुनहाटीं निमे नाकु कदर हीते, नना नीवा महिमा कींतन.
Advertisements