पिलिपिया 2:1 - पवित्र पोल्‍ले

¹ किरिस्‍तुनतोनि कलियसि मीवा दैरनेम बेर्सता, ओना पावरमहेंदाल मीकु समादानम दोर्कता, मिमेट ओना आत्माते उंदि आतिर, इंका ओना दया मीतोनि मंता.

पिलिपिया 2:1 Cross References

लूकाल 2:25

अवे तूकुल्कुने येरुसलेमते सिमोन पोरोलतोर वरोर मनकल मनुंदुर. ओर नीतिमंतुड आनि पेनदा पोल्‍लेपोर्रो ताकानोर मत्‍तोर. इस्राएलता लोकुल्‍कुंक पेन बस्के सुकम-सांति हींतनो इंचेके ओर एदुर हूळसेक मनुंदुर. ओनतोनि पवित्र आत्मा मत्‍ता.

योहान 14:18

नना मीकुन दिक्‍कु हिलवोरलेह्का होळसि होन्‍नोन, नना मिहगा मल्सि वांतन.

योहान 14:27

नना मीकु सांतितुन हीसि होंचंतन. दुनिया हियानसोंटा सांति आयो, गानि नना नावा सांतितुन मीकु हीसंतन. अदुनहाटीं मिमेट मीवा मनसुन कस्‍टमते वाटमट, वेरिया हियमट.

योहान 17:13

नना इंदके निहगा वासंतन. गानि नावा आनंदम ओरा लोप्पो पुरागा आयना इंचि, इव पोल्‍लें नना इद दुनियाते मननेंकेन वेहंतन.

प्रेरितुल्‍कुना कबाह्‍क 2:46

रोज गुळिते उंदि मनसुने जमा आयुंदुर. ओर लोन-लोन हारि उराहचि, आनंदमते पीटे बतले अन्‍समन्‍स हिलाकोंटा अंटोर कलियसि गाटो तिनुंदुर.

प्रेरितुल्‍कुना कबाह्‍क 4:32

विस्वासुल्‍क अंटोर उंदि मनसु, उंदि जीवा आसि मत्‍तुर. बोरन्‍ना आयि बदे सोम्मु, इद नावद इंचि इनाकोंदुर, गानि बोनगन्‍ना बतलन्‍ना मत्‍ते दान तूसकुनुंदुर.

रोम सहरतोरहाटीं पौलुसना सिट्‍टि 5:5

इद आसे मनाकुन नाराज किय्‍यो, बारित्‍ते पेन दाना पवित्र आत्मातुन मना पिस्वरते हीसि, अद मनाकुन वेल्‍लेन पावरम कींता इंचि हुपिस्‍ता.

रोम सहरतोरहाटीं पौलुसना सिट्‍टि 8:26

पारतना बल्हा कियमळो तेळियवस्के पवित्र आत्मा मनाकु सहायम कींता. मनाकु इनावायो असोंटा पोल्‍लेन पवित्र आत्मा मनाहाटीं पेनदागा तनलाळसेक विनंति कीसेक मंता.

1 कुरेंति 12:13

बारित्‍ते, मनम अंटोरम यहुदिल्क आयिना, युनानि आयिना, दासुल्क आयिना, दासुल्क आयाकोन्‍ना उंदे आत्माहेंदाल, उंदे मेंदुल आयालय बापतिस्मा एततोम, मना अंटोर्क उंदे आत्मा उहमळ जर्गता.

1 कुरेंति 15:31

विस्वासुल्‍कुनिटा! मिमेट मना सामि येसु किरिस्‍तुना लोप्पो विस्वासमते गट्‍टिगा मत्‍ताहाटीं, नना मीवा बारेमते पेद्‍दिरकेम वेहकुंचेके मंतन. अदुनहाटींगे नावा हामुरतुन रोज हूळसेक मंतन.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

2 कुरेंति 13:14

सामि येसु किरिस्‍तुना कुर्पा, पेनदा पावरम आनि पवित्र आत्माता तोळ मी अंटोरतोनि मन्‍निकांटी.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 4:4

अंटोर विस्‍वासुल्‍कुनद उंदे मेंदुल आंद. अव्टे मनना पवित्र आत्मागुडा उंदे आंद. अल्हे अंटोर विस्‍वासुल्‍कुनगुडा पेन उंदे आसेते पिस्‍सालय केयता.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

पिलिपिया 3:3

गानि मनकालोरा कबाह्कुनपोर्रो बरोसा इरताहेंका मनाकु मुक्‍ति दोर्कता इंचि आयो. येसु सामि मनाकुन पिसागोटतोर इंचि ओन्क मनम बस्‍केळ्‍क कदर हींतोम. अदुनहाटीं पेनदा आत्मा वेहताप दान मोळ्‍कानोरम मनमे निजम कतना आतोरम आंद, ओर आयुर.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

कुलुसि 3:12

पेन मीकुन पवित्र आनि पावरमगल्‍ला लोकुल्‍कुनलेसीं पेर्कुत्‍ता. अदुनहाटीं दया कियमळते, पायदा कियमळते, सिन्‍नागासि मनमळते, सादा-सिंपल मनमळते ओप्के पीसि ताकट.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

1 योहान 3:24

बोर अय्ते पेनदा आदेस परकारम ताकंतोर, ओर पेनदा लोप्पो निल्‍सि मनंतोर, ओनालोप्‍पो पेन निल्‍सि मनंता. इल्‍हा, पेन मना पिस्वरते निल्‍सि मनंता इंचि, मनाकु हीता पवित्र आत्माहेंदाल, एरपाट आंता.

1 योहान 4:12

पेनदुन बोर बस्‍केन हूळा हिल्‍लुर. गानि मनम, वरोंक-वरोर पावरम कियानय्ते पेन मनालोप्‍पो मनंता आनि दाना पावरम मनालोप्‍पो पुरागा आंता.

1 योहान 4:16

पेन माकुन पावरम कीता इंचि इंदके तेल्‍पिचकुत्‍तोम. माकु दानपोर्रो विस्वासमगुडा मंता. पेन पावरम आंद. अदुनहाटीं बोर अय्ते पावरम कींतोर, ओर पेनदा लोप्पो मनंतोर, पेन ओनालोप्‍पो मनंता.