पिलिपिया 1:7 - पवित्र पोल्‍ले

⁷ नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 1:7 Cross References

प्रेरितुल्‍कुना कबाह्‍क 20:23

उंदि पोल्‍ले मात्रम नाकु एरपाट मंता. अद बतल इत्‍ते, अन्‍नि सहरकुने जेल, कस्‍टाल्‍क नावाहाटीं एदुर हूळसंतां इंचि पवित्र आत्मा नाकु वेहासेक मंता.

प्रेरितुल्‍कुना कबाह्‍क 21:33

पजा आ सिपाइल्कुना अदिकारि पौलुसनगा होंचि ओन पीसि गोल्सुकुने दोहनाहाटीं आदेस हीतोर. आयंका ओर लोकुल्‍कुन, ईर बोर आंदुर, ईर बतल कीतोर? इल्‍हा पूसकीतोर.

1 कुरेंति 13:7

पावरम अन्‍नि पोल्‍लें सहन किया वेहंता, अन्‍नि पोल्‍लेनपोर्रो विस्वासम किया वेहंता. अन्‍नि पोल्‍लेनपोर्रो आसे इर्रा वेहंता, अन्‍नि पोल्‍लेने ओप्‍केते इर्रंता.

1 कुरेंति 9:23

ओरतोनि बेसता कबुरता आसिर्वादते नाकगुडा तूस दोर्कना इंचि इवन्‍नि कीसेक मंतन.

2 कुरेंति 3:2

मावा सिट्‍टिं अय्ते मिमेटे आंदिर, अद मावा मनसुने रासि मंता, अदुन अंटोर एरपाट कींतुर, हदवंतुर.

2 कुरेंति 7:3

नना इल्‍हा इंचि बतल मीवापोर्रो तप्पु दोस्सेक हिल्‍लेन. मिमेट मावा मनसुने मंतिट, मोमोट हायिना, पिस्सिना मीवातोने मनंतोम इंचि नना मुन्‍नेने वेहतन.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 3:1

मिमेट यहुदिल्क आयिर. अय्नागानि मीकु किरिस्‍तु येसुना बारेमता बेसता कबुर वेहताहाटीं नना पौलुस, जेलने बंद मंतन.

इपीसि 4:1

मीकुन पेन दाना लोकुल्‍क आयानाहाटीं केयता, अय्ते दाना लोकुल्‍क बल्हा अय्ते पिसानो अल्हा मिमेट पिस्‍सट इंचि, सामिनाहाटीं जेलुंक होत्‍तोन नना मीकु विनंति कीसंतन.

इपीसि 6:20

दीनाहाटींगे नना कयकुंक बेडीं वाटसि मत्‍ता पेनदा कबुरतोन आतन. दीनहेंदाल नना बल्हा अय्ते वळ्‍कागोमो अल्हा वळकालय नाकु दैरनेम दोर्कानाहाटीं पारतना कीम्‍टु.

पिलिपिया 1:12

नावा विस्वासुल्‍कुनिटा! मिमेट उंदि पोल्‍ले अर्तम कीकुंटु, नावा पिस्वरते जर्गता अन्‍नि गटनां किरिस्‍तुना बारेमता बेसता कबुर बेरसालये सहायम आतां.

पिलिपिया 1:13

इल्‍हा जर्गताहेंकेन, किरिस्‍तुनाहाटींगे नाकुन जेलने वाटतुर इंचि राजवाडाते कावेल कियना अंटोर सिपाइल्कुंक आनि अगा मत्‍ता अंटोर लोकुल्‍कुंक तेळियसोत्‍ता.

पिलिपिया 1:14

इचोने आयका, नना जेलने मत्‍ताहेंका सामिनाहाटीं वेल्‍लेन मंदि विस्वासुल्कुंक दैरनेम दोर्कता. ओर बोर्के वेरियाकोंटा वेल्‍लेन दैरनेमते किरिस्‍तुना बारेमता पोल्‍लेतुन वेहालय तयार आतुर.

पिलिपिया 2:22

गानि तिमोति असंटोर आयोर. वरोर मर्रि बाबनतोनि कलियसि कबळ कीताप, ओर बेसता कबुर वेहना सेवाते नावातोनि इमानदारिते कस्‍टपळतोर. ओना गुनम बसंटदो मीकु बेस एरपाट.

पिलिपिया 4:14

बतलन्‍ना आयि, मिमेट नावा तकलिपते सहायम कीतिर, बेस कीतिर.

पिलिपिया 4:15

नना सुरुवुने बेसता कबुर वेहचि मेसिडोनिया इनना मीवा एरियाताल होत्‍तन. अस्‍के मिमेट पिलिपियाता विस्वासुल्‍क तप्‍पा, वेरे बदे कलिसियातोर नाक सहायम किया हिल्‍लुर. इद पोल्‍ले मीकु एरपाटे.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

कुलुसि 4:18

नना पौलुसुन, नावा कय्‍देन रासि मीकु जोहार वेहासेक मंतन, नना जेलते मंतन इंचि पारतनाते मति कीम्‍टु. पेनदा कुर्पा मीवातोनि मन्‍निकांटी. आमेन.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

1 तेसलोनि 5:5

मिमेट अंटोर वेल्‍गु आनि पोद्‍दलता पिलाल्क आंदिर, मनम नर्का आनि हीकटतोरम आयोम.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:9

इदे बेसता कबुर वेहताहाटीं नना जेलुंक होत्‍तन. वरोर तप्पु कीतोना कय्‍कुंक वाटताप नावा कय्‍कुंक बेडीं वाटतुर. गानि पेनदा पोल्‍ले मात्रम बेडिने दोह्‍चि हिल्‍ले.

पिलेमोन 1:13

बेसता कबुर वेहताहाटीं नना जेलते मंतन. नीवा बदलिपोर्रो ओनेसिमुस नावा सेवा कीते बेस मनंता इनकुंचि ओन नाहगेन इर्राना विचारम कीसि मत्‍तन,

इब्रि 3:1

अदुनहाटीं, पवित्र विस्वासुल्‍कुनिटा! मुक्‍तिता पालिगाह्क आयालय पेन मीकुन केयता. येसुन पेन पेद्‍दा पेर्मल आनि प्रेरित आयालय लोहचीता इंचि मनम ओप्कुत्‍तोम, अय्ते ओना बारेमते मिमेट विचारम कीम्‍टु.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

2 पत्रु 1:13

नना इद मेंदुलते मत्‍तच्‍चोरजेम मीक इवुन मति कीसि हीसि मीकुन हुसार कियमळे, बेस इनकुंतन.

1 योहान 3:14

मनम मना दंटाता विस्‍वासुल्‍कुन पावरम कींतोम. अदुनहाटीं मनम हामुरताल पेय्सि पिस्वरते वातोम, इंचि मनाकु एरपाट मंता. बोर अय्ते पावरम किय्योर ओर हातोनलेसीं मंतोर.