पिलिपिया 1:18 - पवित्र पोल्‍ले

¹⁸ अयना बतल आयो. बेस उद्‍देसमते आयि, कराब उद्‍देसमते आयि, अद बल्हे आयि! किरिस्‍तुना बारेमतेन वेहमळ जर्गसंता इंचि नाकु वेल्‍लेन कुसि आसंता. आनि नना इल्हेन कुसिते मनंतन.

पिलिपिया 1:18 Cross References

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

मरकुस 12:40

ईर मुंडामोस्ता मुर्ताह्‍कुन मुळहंतुर, लोकुल्‍कुंक हुप्‍सालय वेल्‍लेनजेम पारतना कींतुर. गानि ईर्क मात्रम पेन अंटोर्कन्‍ना एक्‍को सिक्‍सा हियार,” इंचि इत्‍तोर.

लूकाल 9:45

गानि येसु वेहता पोल्‍ले ओर्क तेळिया हिल्‍ले. अद पोल्‍ले ओर्क तेळियामन्‍नि इंचि मक्‍किचि मत्‍ता. आनि इदुना बारेमते ओन पूस कियालयगुडा ओर वेरियतुर.

लूकाल 9:50

इत्‍तस्के, “बोर अय्ते मीक विरोदमते हिल्‍लोर, ओर मीवोरे आंदुर, अदुनहाटीं ओन आपमट,” इंचि येसु योहानुन वेहतोर.

रोम सहरतोरहाटीं पौलुसना सिट्‍टि 3:9

सरे! अय्ते मनम यहुदिल्कुम, यहुदि आयवोरकन्‍ना बेसतोर्कुमा? असले आयोम. बारित्‍ते यहुदिल्क आयिर, युनानिर्क आयिर. अंटोर पापम कीतोरे इंचि नना मीकु मुन्‍नेन वेहचि मत्‍तन.

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

1 कुरेंति 10:19

नना बतल वेहसेक इत्‍ते, बोम्मांक मोळ्कता गाटोक बतल हिल्‍ले, बोम्मन लोप्‍पोगुडा बतल हिल्‍ले.

1 कुरेंति 14:15

अय्ते नाक बतल कियमळ गावाले? नना नावा आत्माते पारतना कींतन, नना नावा बुद्‍दितेगुडा पारतना कींतन. नना नावा आत्माते पाटा पारंतन, नना नावा बुद्‍दितेगुडा पाटा पारंतन.

1 कुरेंति 15:11

अदुनहाटीं नना पेनदा पोल्‍ले वेहना, ओर वेहना मोमोट अंटोरम उंदे पोल्‍ले वेहंतोम. अदुन मिमेट विस्वासम कीतिर.

पिलिपिया 1:19

बारित्‍ते मीवा पारतनां अल्हेन येसु किरिस्‍तुना आत्माता सहायमतोनि नाकु वायना ई कस्‍टाल्के नाकुन तप्‍पाकोंटा पलाते पेच्‍हंतां इंचि नाकु एरपाट मंता.