पिलिपिया 1:16 - पवित्र पोल्‍ले

¹⁶ बेस उद्‍देसमते वेहानोर, नावा पोर्रोटा पावरमहेंका अल्हा कींतुर. बारित्‍ते येसु किरिस्‍तुना बारेमता बेसता कबुर सत्‍तेम आंद इंचि हुप्‍सालये नना इगे मंतन इंचि ओर्क एरपाट मंता.

पिलिपिया 1:16 Cross References

1 कुरेंति 9:17

नना ओक्‍कला नावा इच्‍चाताल इदुन कीते नाक इनाम दोर्कंता. ना इच्‍चाताल कियाकोन्‍नागानि दाना जिम्मेदारि पेन नाक अप्पजेपता.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

पिलिपिया 1:12

नावा विस्वासुल्‍कुनिटा! मिमेट उंदि पोल्‍ले अर्तम कीकुंटु, नावा पिस्वरते जर्गता अन्‍नि गटनां किरिस्‍तुना बारेमता बेसता कबुर बेरसालये सहायम आतां.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 2:22

गानि तिमोति असंटोर आयोर. वरोर मर्रि बाबनतोनि कलियसि कबळ कीताप, ओर बेसता कबुर वेहना सेवाते नावातोनि इमानदारिते कस्‍टपळतोर. ओना गुनम बसंटदो मीकु बेस एरपाट.

पिलिपिया 4:15

नना सुरुवुने बेसता कबुर वेहचि मेसिडोनिया इनना मीवा एरियाताल होत्‍तन. अस्‍के मिमेट पिलिपियाता विस्वासुल्‍क तप्‍पा, वेरे बदे कलिसियातोर नाक सहायम किया हिल्‍लुर. इद पोल्‍ले मीकु एरपाटे.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.