लूकाल 1:1 - पवित्र पोल्ले1-4 तियपिलुस सायाब, मावा नड्डुम येसु कीता कबाह्कुना बारेमते वेल्लेन लोकुल्क रासालय कोसिस कीतुर. बोर अय्ते जर्गुता आ गटनन कळ्कुने हूळतुर आनि पेनदा बेसता कबुरतुन कराहतुर, ओरे माकु ई पोल्लें एव्विचि हीतुर. माकु एव्ता पोल्लेन ननागुडा बेस हदविसि, परमेरका कीसि तेळियागोटकुत्तन. अदुनहाटीं इव अन्नि पोल्लेन बेस उंदान पज्जो उंदि नीकु रासि लोहना इंचि नाकु अनपिस्ता. दीनहेंदाल निमे बतल अय्ते करियतिनो, अदे निजम इत्ता संगति नीकु तेळियंता. See the chapter |