यहुदा 1:14 - पवित्र पोल्ले14-15 आदामनगटाल एडुंगो पीळितोर हानोक इनानोर ईरा बारेमते इल्हा बविस्यवानि कीतोर, “हूळा, सामि वेय्कुना पवित्र लोकुल्कुनतोनि अंटोरा न्यायम कियालय वांतोर. ओर अंटोर बक्ति हिल्वा लोकुल्क ओर कीता अन्नि तप्पुड कबाह्कुनाहाटीं अल्हेन बक्ति हिल्वा पापि लोकुल्क सामिंक विरोदमते वळ्कतव अन्नि पोल्लेनाहाटीं ओर्क सिक्सा हियमळ जर्गंता,” इंचि वेहतोर. See the chapter |