2 तिमोति 2:2 - पवित्र पोल्‍ले

² वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

2 तिमोति 2:2 Cross References

मत्‍तयाल 13:52

अस्‍के येसु “बोर मनकल अय्ते ओना कजानाताल पूनद-पळानद सोम्मुन पलाते पेच्‍हांतोर, आ मनकन लेह्कने स्वर्ग राज्येमता सिस्युड मत्‍ता हरेक दर्मसास्‍त्रम कराहना गुरु मनांतोर, ओर यहुदि लोकुल्‍कुना पडाना आनि पूना बोदा रोंडु इंका करहा परांतोर.” इंचि ओर्कु वेहतोर.

मत्‍तयाल 24:25

हुळाट! नना अय्ते इव पोल्‍लें मीक मुन्‍नेने वेहचीतन.

लूकाल 12:42

अस्‍के सामि इल्‍हा इत्‍तोर: “मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक दिवांजि मालाकुंक गावाले. अय्ते असोंटा सेवक बोर मंतोर?

1 कुरेंति 4:2

अल्‍हेने पेनदा मर्ममता देकरेक कियानोर विस्वासम कियानालायक मनमळ गावाले.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

2 कुरेंति 3:5

मावद मोमोटे बदाना पोल्‍लेता विचारम कियानालायक हिल्‍लोम, गानि इवुन कियाना बलम पेने माकु हीसेक मंता.

कुलुसि 1:7

आ बेसता कबुर मावा पावरमगल्‍ला इपप्रासुनाहेंदाल मिमेट करियतिर. ओर मावातोनि कलियसि कबळ कियानोर आनि मीवाहाटीं किरिस्‍तुना विस्वासमलायक सेवक आंदुर.

1 तिमोति 1:12

मना सामि येसु किरिस्‍तु नाकु बलम हीतोर अदुनहाटीं नना ओन्क दन्यवाद कींतन. इंका नाकुन विस्वासम लायकतोर इन्कुंचि ओना सेवाताहाटीं निलाहतोर.

1 तिमोति 1:18

कोको तिमोति! पेनदा कबुरतोर नीवा बारेमते मुन्‍ने बव पोल्‍लें अय्ते वेह्‍चि मत्‍तुरो, आ पोल्‍लेना परकारम, निमे नीवा विस्वासमतुन गट्‍टिगा पीसि, मनसुना बेस पोल्‍ले पीसि वरोर बेस सिपाइलेह्का लडाइ कीसेके मनना इंचि नना नीकु आदेसतुन अप्पजेपसंतन. बारित्‍ते मनसुना पोल्‍लेतुन हय्सका वेल्‍लेन मंदि लोकुल्‍क, उंदि डोंगा रोंडु तुकडां आसोत्‍ताप, ओर ओरा विस्वासमतुन नासडेम कीकुत्‍तुर.

1 तिमोति 4:14

पेद्‍दाल्क नीपोर्रो कय्‍क इर्सि पारतना कियनेंके, बविस्यवानि कियानोर वेहता आ वरम नीकु दोर्कता. अद वरमतुन निमे वाळकुन, दान मति मर्गुमा.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

1 तिमोति 5:22

कलिसियाता पेद्‍दा मनकल इंचि निलाहनाहाटीं, बोन पोर्रेन गाबर आसि कय इरमा. वेरेतोरा पापाल्कुने निमे पालिगाड आयमा. इंका नीवद निमे बस्‍केळ्‍क पवित्र ईर्कुन.

1 तिमोति 6:12

नीवा विस्वासमतुन दक्‍किच्‍कुनालय बेस लडाइ कीसेके मन्‍नु, बस्‍केळ्‍क पिस्सना पिस्वरतुन गट्‍टिगा पीसि ताका, इद पिस्वरहाटींगे नीकुन केयमळ जर्गता. ई मंचि पोल्‍लेतुन निमे वेल्‍लेन मंदि गवाइदार्कुना मुन्‍ने ओप्कुत्‍तिन.

2 तिमोति 3:10

गानि निमे नावा कराहमळतुन, ताकमळतुन, नना पिस्सना उद्‍देसमतुन, विस्वासमतुन, ओप्केतुन, पावरमतुन, नावा दैरनेमतुन,

2 तिमोति 3:14

गानि निमे बतल करियतिनो, बतल विस्वासम कीतिनो आनि अवुन निमे बोनहेंदाल करियतिन नीकु एरपाट मंता. अवुने उंदेतीर ताकसेक मन.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.