फलिपी 4:8 - जीवन को च्यानणो (सेकावाटी नया नियम की पोथ्या)

⁸ मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

फलिपी 4:8 Cross References

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

मरकुस 6:20

क्युं क हेरोद राजा यहून्नाऊँ डरतो हो। अर जाणतो हो क यहून्ना एक परमेसर को खरो अर धरमी मिनख ह। इ बजेऊँ बो बिकी रूखाळी करतो हो। अर हेरोद यहून्ना की बातानै सुणर बोळो घबरातो हो। इकै पाछै बी बिनै यहून्ना की बाता चोखी लागती ही।

लूका 16:15

ईसु बाऊँ बोल्यो, “थे तो मिनखा म देख-दिखावा का धरमी हो। पण परमेसर तो थारा हियानै जाणै ह, क्युं क जखी चिज मिनखा की नजर्या म बोळी खास ह बिको परमेसर की नजर्या म काँई मोल?

लूका 2:25

यरूसलेम म पबितर आत्माऊँ भरेड़ो समोन नाम को एक खरो अर भगत मिनख हो जखो इजरायल की अजादिनै उडिकर्यो हो।

लूका 23:50

यहूदिआ दिसावर म अरमतिया नगरी को रेह्बाळो युसूफ नाम को एक मिनख हो। जखो यहूदि पंचायत को सदस्य हो। पण बो सभा का दुसरा मिनखा की बाता म सामिल कोनी हो जिमै ईसुनै मारबा प हामी होई ही ओ धरमी अर लोगा म मान्यो-थान्यो हो। अर ओ परमेसर का राजनै उडिकर्यो हो।

यहून्ना 7:18

जखो बी खुदकी मरजीऊँ बोलै ह, बो खुदकी बडाई चावै ह। पण जखो आपका भेजबाळा को मान चावै ह बो सचो ह। अर बिमै बुराई कोनी।

भेजेड़ा चेला का काम 10:22

जणा बे बिऊँ बोल्या, “म्हारी पलटण को सुबेदार कुरनेलियुस जखो धरमी अर परमेसरऊँ डरबाळो मिनख ह, सगळा यहूदि मिनखा म जिकी बूज ह बो एक परमेसर का पबितर ईस्बर नगरी दुतनै दरसाव म देख्यो अर बो दुत बिनै बोल्यो ह की बो तनै बुलार तेरूँ परमेसर को बचन सुणै।”

भेजेड़ा चेला का काम 22:12

“बि नगरी म हनन्या नाम को एक मिनख हो जखो नेम-कायदा प चालबाळो अर बठै का यहूदि मिनखा म मान्यो-थान्यो हो।

भेजेड़ा चेला का काम 6:3

इ ताँई यहूदि भाई-भाणो, थारै मऊँ थे सात चोखी पेठहाळा मिनखानै टाळल्यो जखा म पबितर आत्मा अर बुदी होवै अर बानै इ काम की जिमेदारी आपा दे देस्यां।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

रोमीयो 13:3

क्युं क अधिकारी चोखा काम करबाळानै डराबा ताँई नइ पण बुरा काम करबाळानै डराबानै ह। अर ज थे परधानऊँ नइ डरबो चाओ जणा चोखा काम करो जिऊँ अधिकार्याऊँ थारी बडाई होसी।

रोमीयो 14:18

जखो इ तरिकाऊँ मसी की सेवा करै ह, बिऊँ परमेसर राजी रेह्‍वै ह। अर मिनख बिकी ईज्जत करै ह।

रोमीयो 2:29

सचो यहूदि बो ह जखो मांयऊँ यहूदि ह अर सची सुन्नत बा सुन्नत ह जखी आत्मा क जरिए मन की होवै ह मांडेड़ा नेम-कायदाऊँ नइ। अंय्यां का मिनख की बडाई मिनख नइ पण परमेसर खुद करै ह।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

2 कुरन्थीयो 13:7

अर म्हें परमेसरऊँ अरदास करां हां क, थे बुराई नइ करो। ओ इ ताँई कोनी ह क, म्हारी कामयाबिनै दिखावां हां। पण इ ताँई क थे बोई कर्यो जखो सई ह, चाए म्हें नाकामई नजर आवां।

2 कुरन्थीयो 6:8

म्हानै मान दिओ जावै ह अर म्हारी बेजती बी करी जावै ह, म्हानै बुरा बी बतावीं अर भला बी बतावीं, म्हारै सागै अंय्यां बरताव कर्यो जावै ह क म्हें ठग हां। इकै बावजुद बी म्हें परमेसर क सामै बिस्वास जोगा हां।

2 कुरन्थीयो 8:18

अर म्हें बिकै सागै बि बिस्वासी भाईड़ानै बी भेज्या हां, जिको मान चोखा समचारनै परचार करबा की बजेऊँ सगळी बिस्वासी मंडळ्या म कर्यो जावै ह।

2 कुरन्थीयो 8:21

क्युं क म्हें परबु की नजर्या मई नइ, पण मिनखा की नजर्या म बी ईमानदार रेह्बो चावां हां।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

इफिसुस 4:25

इ ताँई झूठ बोलबो छोडर हरेक आपका संगी-साती बिस्वासीऊँ सच बोलै, क्युं क मसी म आपा सगळा एकई काया का अंग हां।

इफिसुस 6:14

इ ताँई सचऊँ कड़तु कसर, धरम की झिलम पेर, पगा म मेळमिलाप का चोखा समचार की त्यारी का बूट घालर त्यार होज्याओ,

फलिपी 3:1

आखीर म, मेरा लाडला बिस्वास्यो, परबु म राजी होता रह्यो। थानै अ बाता ओज्यु मांडबा म मनै तो कोई आट कोनी, अर ज म अंय्यां मांडूँ बी हूँ जणा आऊँ थारो बचावई होसी।

कलुसीयो 4:5

अबिस्वास्या क सागै थारो बरताव सलिका को राखो अर हरेक मोका को चोखो फाईदो उठाओ।

1 थिसलूनिकी 4:12

जिऊँ थानै अबिस्वास्याऊँ आदरमान मिलै अर थानै कोई बात की कमी नइ होवै।

1 तिमूतियूस 2:2

राजा-म्हराजा अर सगळा अधिकार्या ताँई अरदास करी जावै। जिऊँ आपा सुक-स्यांती क सागै भगती अर सरदाऊँ परमेसर ताँई जीवन जी सकां।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

1 तिमूतियूस 3:4

बो आपका परवार की समाळ करबाळो होवै, अर बिका टाबर बिकी पूरी ईज्जत करै अर बिका कह्या म चालै।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

1 तिमूतियूस 5:2

अर बूडी-ठेरी लूगायानै माँ जंय्यां अर जवान लूगायानै पूरी खराई क सागै भाण समजर बरताव कर।

तितूस 1:8

पण बो आवभगत करबाळो, भलाई चाबाळो, खुदनै बस म राखबाळो, पबितर, धरमी अर कायदा म रेह्बाळो होवै।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

तितूस 2:7

तू खुद बोई कर जखो चोखो ह, जिऊँ दुसरानै बेरो पड़ै की बानै कंय्यां को बरताव करबो चाए। तू तेरी सीख म ईमानदार अर खरो बण्यो रेह।

तितूस 3:14

आपणा मिनखानै ओरा की जुर्त पूरी करबा ताँई चोखा करमा म टेम बिताणो चाए, बानै फालतु को जीवन नइ जीणो चाए।

इबरानीआ 11:2

अर अंय्यां को बिस्वास करबा की बजेऊँई पुराणा टेम का मिनखा की परमेसर क कानिऊँ बडाई करी गई।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

1 पतरस 2:12

परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

1 पतरस 4:8

अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

2 पतरस 3:1

ओ लाडलो, आ मेरी दुसरी चिठी ह जखी म थानै मांडी ह, अर म मेरी आ दोन्यु चिठ्या म थानै याद दिवायो हूँ क थानै पबितर हियो राखबो चाए।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।