फलिपी 4:1 - जीवन को च्यानणो (सेकावाटी नया नियम की पोथ्या)

¹ मेरा लाडला बिस्वास्यो, अर मेरा काळज्या का टुकड़ो थारै ताँई म तरसू हूँ। थे मनै राजी करो हो अर मनै थार प गुमान ह। मेरा लाडलो, थारो जीवन परबु म अंय्यांई मजबूत बण्यो रेह्णो चाए।

फलिपी 4:1 Cross References

मत्ती 10:22

मेरा नाम की बजेऊँ लोग थारूँ नफरत करसी पण जखो मिनख आपकी अंतघड़ी ताँई सक्यु सेह्सी बोई बचायो ज्यासी।

यहून्ना 8:31

जणा ईसु बाऊँ बोल्यो जखा बिपै बिस्वास कर्या हा, “ज थे मेरी सीख प चालो हो जणा सचमई थे मेरा चेला हो।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

भेजेड़ा चेला का काम 2:42

अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

1 कुरन्थीयो 16:13

चेता म रेहज्यो अर मजबूती क सागै बिस्वास म बण्या रेहज्यो। थे हिमत राखबाळा अर ठाडा बणो।

2 कुरन्थीयो 1:14

जंय्यां क थे म्हानै हाल क्युंक हदताई समजो हो। पण जद परबु ईसु क ओज्यु आबा का दिन थे सगळा म्हारै प गुमान करस्यो जंय्यां म्हें थार प करां हां।

गलातियो 5:1

मसी आपानै अजाद रेह्बा ताँई अजाद कर्यो हो, जणा मसी मई बण्या रेह्‍वो। अर गुलाम बणाबाळी बाता म ओज्यु मना जाओ।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

फलिपी 1:8

म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

फलिपी 2:26

बो थानै देखबा की चिंत्या राखै ह। अर बो बोळो उदास ह, क्युं क थे बिकी बिमारी क बारां म सुण्या हो।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

1 थिसलूनिकी 3:13

बो थारा हियानै अंय्यां को पक्को करै क जद आपणो परबु ईसु सगळा पबितर दुता क सागै आसी जणा थे परम-पिता परमेसर क सामै पबितर अर निरदोस होवो।

2 थिसलूनिकी 2:15

इ ताँई मेरा लाडला बिस्वास्यो, बिस्वास म मजबूत रेह्ओ अर जखी सीख म्हें थानै बोलर नहिस चिठी म मांडर दिनी ह बापै चालता रेह्ओ।

2 तिमूतियूस 2:1

परबु म मेरा बेटा तिमूतियूस, मसी ईसु म परमेसर जखी दया तेर प करी ह, बिकी बजेऊँ मजबूत बण्यो रेह।

इबरानीआ 10:23

अर आपा जखी आस मुंडाऊँ बोलर मान्या हां बिपै मजबूतीऊँ डट्या रेह्‍वां, क्युं क जखो आपणाऊँ बादो कर्यो ह बो बिस्वास जोगो ह।

इबरानीआ 3:14

क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।

इबरानीआ 4:14

इ ताँई परमेसर को बेटो ईसु मसी अंय्यां को म्हान म्हायाजक ह जखो ईस्बर नगरी गयो। जणा आओ आपा बा बाता म मजबूत रेह्‍वां जानै आपा मानी ह।

2 पतरस 3:17

ओ लाडलो, थे पेल्याऊँई आ बातानै जाणर चेता म रेह्ओ, जिऊँ थे बुराई करबाळा की बाता म आर थारी मजबूतिनै नइ खो द्‍यो।