फलिपी 3:2 - जीवन को च्यानणो (सेकावाटी नया नियम की पोथ्या)

² बा कमिणा, गंडक्ड़ाऊँ ध्यानऊँ रेह्ओ जखा चोखा समचारऊँ छेड़-छाड़ करीं हीं। बुरा काम करबाळा अर काया की सुन्नत करबा प जोर देवीं हीं बाऊँ ध्यानऊँ रेह्ओ।

फलिपी 3:2 Cross References

मत्ती 24:10

बा दिना म बोळा मिनख बिस्वास करबो छोड देसी। एक दुसरानै धोकाऊँ पकड़ासी अर एक दुसराऊँ नफरत करसी।

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

मत्ती 7:6

“पबितर चिजा गंडक्ड़ा क आगै मना गेरो। अर नइ सूल्डा क आगै मोती बखेरो। क्युं क ज थे अंय्यां करस्यो जणा बे सूल्डा आ मोत्यानै आपका पगा तळै रूंदसी, अर गंडक्ड़ा बी पाछै मुड़र थानै पाड़ गेरसी।”

रोमीयो 2:28

जखो मिनख देख-दिखावा को यहूदि ह बो सचो यहूदि कोनी अर काया की सुन्नत, सची सुन्नत कोनी।

2 कुरन्थीयो 11:13

क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

फलिपी 3:19

अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

2 पतरस 2:22

बापै आ खेबत सई बेठै ह, “गंडक्ड़ो आपकी उल्टी चाटै ह अर न्हूवायड़ी सूलडी पाछी कादा म जावै ह।”

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

दरसाव 3:9

सुण, तेरै कनै अंय्यां का मिनख ह जखा सेतान की बिस्वासी मंडळी का हीं बे खुदनै यहूदि बतावै जदकी बे ह कोनी, बे झूठा हीं। म बाकै सागै अंय्यां को बरताव करस्युं जिऊँ बे तेरै कनै आर तेरा पगा म धोक खासी अर आ जाणज्यासी क म तेरूँ परेम करूं हूँ।