फलिपी 3:19 - जीवन को च्यानणो (सेकावाटी नया नियम की पोथ्या)

¹⁹ अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

फलिपी 3:19 Cross References

मत्ती 16:23

ईसु पतरस कानि मुड़र बोल्यो, “सेतान! मेरै कनैऊँ चल्योजा, तू मनै अंय्यां करबाऊँ रोकबो चावै ह, क्युं क तू परमेसर की जंय्यां कोनी सोचै पण मिनखा की जंय्यां सोचै ह।”

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

लूका 12:19

अर म मेरा जीवड़ाऊँ बोलस्युं, ‘अरै जीवड़ा तेरै कनै अत्तो नाज अर धन-दोलत ह क बरसाई कोनी निमडै़। जणा अराम कर मजाऊँ खा-पीर अर मजा लूट।’

लूका 16:19

“एक साऊकार हो। अर बो मेंगा-मेंगा गाबा पेरतो अर रोजकी म्हेफिल बाजी करतो।

लूका 18:4

कई दिना ताँई तो बो बिकी सुणाई कोनी कर्यो। पण हार'र आपका मन म सोची, ‘म नइ तो परमेसरऊँ डरूँ अर नइ कोई मिनख की परवा करूं,

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

रोमीयो 6:21

अर थे खुद जाणो हो क बि टेम थानै कंय्यां को फळ मिल्यो? जिकी बजेऊँ आज थे सरमिंदा हो अर जिको आखरी फळ मोत ह।

1 कुरन्थीयो 3:3

क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

1 कुरन्थीयो 5:2

अर थे अंय्यां कर गुमान म फूलर्या हो जदकी थानै दुखी होणो चाए। अर थानै अंय्यां करबो चाए की जखो मिनख अंय्यां को काम करै ह बिनै थारूँ न्यारो कर देणो चाए।

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

2 कुरन्थीयो 11:12

इ ताँई जोक्यु म करूं हूँ बिनै करतो रेहस्युं, जिऊँ जखा खुदनै थारा भेजेड़ा खास चेला बतावीं हीं बानै म्हारी जंय्यां बाका काम प गुमान करबा को मोको नइ मिलै जखी बात ताँई बे गुमान करीं हीं।

2 कुरन्थीयो 11:15

इ ताँई आ कोई ताजूब की बात कोनी ह क बिका दास धरम का काम करबाळा मिनखा जंय्यां को भेस बणावै ह। पण आखीर म बाको नास बाकै काम गेल होसी।

गलातियो 6:13

जदकी सुन्नत कराईड़ा खुद तो नेम-कायदानै कोनी मानै, पण थारी सुन्नत इ ताँई कराबो चावै ह क बानै थारी काया की बजेऊँ गुमान होवै क बे थारी सुन्नत कराई ह।

फलिपी 2:21

क्युं क बाकी सगळा ह जखा खुदको मतबल काडबा ताँई लाग्या रेह्‍वै ह, ईसु मसी का कामा की बानै जमाई चिंत्या कोनी।

कलुसीयो 3:2

थे तो आत्मा म मरेड़ा हा पण इब थारो जीवन मसी क सागै परमेसर म लुखेड़ो ह। अर जद बो परगट होसी जणा थानै बी बिकै सागै बिकी मेमा म परगट कर्यो ज्यासी। थारा जीवना की निम मसी ह। इ ताँई थे धरती हाळी चिजा प नइ पण ईस्बर नगरी हाळी चिजा प हियो लागाओ।

2 थिसलूनिकी 1:9

बे परबु क सामैऊँ अर बिकाळी सक्‍ति की मेमाऊँ नाकै कर दिआ जासी अर जुग-जुग ताँई सजा भोगसी।

2 थिसलूनिकी 2:12

अंय्यां बे सगळा जखा सच प बिस्वास कोनी कर्या अर कूगेला चालर मजा मारता हा बे सजा भोगसी।

2 थिसलूनिकी 2:8

जणा पाछै परमेसर का नियम कायदानै तोड़बाळो परगट होसी। बिनै परबु ईसु आर आपकी मोजूदगी का च्यानणाऊँ अर फूंकऊँ नास कर देसी।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

2 तिमूतियूस 3:4

बे बिस्वासघाती, लापरवा, गुमान म फुलेड़ा, परमेसर की बजाय मोज-मस्तिऊँ प्यार करबाळा होसी।

याकूब 4:16

पण थे तो थारा झूठा पाखंडाऊँ खुद प गुमान करो हो। अंय्यां को गुमान करबो बुरो ह।

2 पतरस 2:1

बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।

2 पतरस 2:13

अ बुराई करी ह, जणा अ बुराई को फळ भोगसी। आनै रात-दिन कुकरम करबो चोखो लागै ह। अ मिनखा क नाम प कळंक हीं। अ मिनख जद थारै सागै बार त्युंहार प खाबा-पीबा ताँई भेळा होवीं हीं जणा अ खुद क कानिऊँ खाबो-पीबो कर आपकी इंछ्यानै पूरी करीं हीं।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

यहूदा 1:10

पण अ मिनख तो जखी बाता क बारां म जाणैई कोनी बाकै बारां म भावै जंय्यां बोलीं हीं। अ तो बिना समज का ज्यानबरा की जंय्यां हीं, जणाई बिना सोच्या समज्या भाऊँ बंय्यां करीं हीं। आ बुरी बाता की बजेऊँ बाको नास कर दिओ ज्यासी।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

दरसाव 18:7

जत्ती बा आपकी मेमा, बडाई अर भोगबिलास करी ह, बत्तोई बिनै दुख अर पिड़ा द्‍यो। क्युं क बा खुद म गुमान कर्या करती ही, ‘म राणी की जंय्यां सिंघासन प बेठी हूँ। म खालीहोइड़ी कोनी, जणा म क्युं सोक मनाऊँ?’

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।