फलिपी 3:17 - जीवन को च्यानणो (सेकावाटी नया नियम की पोथ्या)

¹⁷ मेरा लाडला बिस्वास्यो, मेरी जंय्यां की चाल चालो, अर बानै बी ध्यानऊँ देखो जखा अंय्यां किई चाल चालै ह जंय्यां की थे म्हारै म देखो हो।

फलिपी 3:17 Cross References

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

1 कुरन्थीयो 10:32

थे इ हिसाबऊँ जीओ जिऊँ थे नइ यहूदि मिनखा ताँई, नइ यूनानी मिनखा ताँई अर नइ परमेसर की बिस्वासी मंडळी का मिनखा ताँई आखळी बणो।

1 कुरन्थीयो 11:1

म मसी की जंय्यां जीबा की कोसिस करूं हूँ, बंय्यांई थे बी करो।

1 कुरन्थीयो 4:16

इ ताँई म थारूँ अरदास करूं हूँ क थे मेरी सी चाल चालो।

फलिपी 4:9

जोक्यु थे मेरी बाता अर कामाऊँ सीख्यो अर पायो ह बानै लागू कर्या करो जणा स्यांती देबाळो परमेसर थारै सागै रेह्सी।

1 थिसलूनिकी 1:6

थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या।

2 थिसलूनिकी 3:14

ज कोई म्हारी इ चिठी म मांडेड़ी बातानै कोनी मानै बापै निगा राखो अर बाका संगराऊँ दूरई रह्यो जिऊँ बाको सीर निचो होज्यावै।

2 थिसलूनिकी 3:7

थे खुद जाणो हो क थे म्हारी मिसाल प कंय्यां चाल सको हो, क्युं क जद म्हें थारै सागै हा जणा कमारई खाता हा,

2 थिसलूनिकी 3:9

अंय्यां करबा क पिछै आ बात कोनी ही क थारै कनैऊँ म्हानै खाबा को हक कोनी हो; पण म्हें चावां हां क थे म्हानै देखर सीखो अर म्हारी जंय्यां जीओ।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।