फलिपी 3:13 - जीवन को च्यानणो (सेकावाटी नया नियम की पोथ्या)

¹³ मेरा लाडला बिस्वास्यो, मेरी अंय्यां की भावना कोनी क म जीतगो; पण ओ एक काम करूं हूँ क गेलड़ी बातानै भूलर आगै की बाता ताँई जी जान लगाऊँ हूँ,

फलिपी 3:13 Cross References

लूका 10:42

पण बस एक बात की जुर्त होवै ह। अर मरीयम जखो चोखो ह, बिनै आप ताँई टाळी ह अर बो बिऊँ खोस्यो कोनी जावै।”

लूका 9:62

जणा ईसु बोल्यो, “जखो मिनख आपको हात हळ प धर'र गेलनै देखै बो परमेसर का राज जोगो कोनी।”

2 कुरन्थीयो 5:16

इ ताँई आपा इब आगैऊँ कोईबी मिनख क सागै इ दुनिया को न्याय कोनी करां। एक टेम आपा मसी क सागै इ दुनिया गेल न्याय कर्यो हो। पण इब अंय्यां कोनी।

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

फलिपी 3:12

म ओ दावो कोनी करूं क म सक्यु पूरो कर करालिओ अर सगळो सिद होगो। पण म बि इनामनै जीतबा ताँई कड़ी मेनत करर्यो हूँ, जिताँई मसी ईसु मनै पेल्याऊँ खुद ताँई जीत लिआ ह।

फलिपी 3:8

अर म आ बातानैई नइ पण सगळी बातानै मेरा परबु मसी ईसुनै जाणबा की बडी बात क सामै घाटा की समजूँ हूँ। अर मसी ताँई म आनै कुड़ो-करकट जा'णर बगा दिओ जिऊँ म मसीनै पाऊँ

इबरानीआ 6:1

इ ताँई आओ आपा मसी की सरूआती सीखनै छोडर स्याणा बणबा ताँई आगै बढता रेह्‍वां। अर आपानै ओज्यु बाई बाता म नइ पड़्यो रेह्बो चाए जखी बाता आपा सरूआत म सीखी ही जंय्यां क मोत कानि लेज्याबाळा करमाऊँ हियो फेरबो अर परमेसर प बिस्वास करबो,

2 पतरस 3:8

पण मेरा लाडलो, थे इ बातनै मना भूलज्यो, क परबु की नजर्या म एक दिन झार बरस जंय्यां अर झार बरस एक दिन की जंय्यां ह।