फलिपी 2:9 - जीवन को च्यानणो (सेकावाटी नया नियम की पोथ्या)

⁹ इ बजेऊँ परमेसर बिनै सबऊँ उची झघा प बिठायो अर सगळा नामा म सबऊँ बडो नाम दिओ।

फलिपी 2:9 Cross References

मत्ती 11:27

मेरै हाता म मेरो परम-पिता सक्यु सूप्यो ह अर परम-पिता क अलावा कोईबी बेटानै कोनी जाणै अर कोईबी बेटा क अलावा परम-पितानै कोनी जाणै। अर बे मिनख बापनै जाणै ह जिनै बेटो बतावै ह।”

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

लूका 10:22

“मेरो परम-पिता मनै सक्यु दे दिओ अर परम-पिता क सिवाय कोई कोनी जाणै क बेटो ईसु कूण ह? अर बेटा ईसु क सिवाय कोई कोनी जाणै क परम-पिता कूण ह? अर के बो जाणै जिनै बेटो ईसु बतावै।”

यहून्ना 13:3

ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

यहून्ना 17:11

इब म इ जगतनै छोडर थारै कनै आर्यो हूँ पण बे इ जगत म हीं। पबितर परम-पिता थारा बि नाम की सक्‍तिऊँ जखो थे मनै दिआ हो, बानै बचार राखो जिऊँ बे थारी-म्हारी जंय्यां एक हो सकै।

यहून्ना 17:12

जद म बाकै सागै हो म थारा बि नाम की सक्‍तिऊँ जखो थे मनै दिआ हा बानै बचायो। बामैऊँ कोईबी नास कोनी होयो सिवाय बि मिनख क जखो बि गेला प चाल्यो जखो नास कानि लेज्यावै ह, जिऊँ क सास्तर को आंक पूरो होवै।

यहून्ना 17:5

अर इब, ओ परम-पिताजी, सरस्टि की सरूआतऊँ पेली आपा जखी मेमा म हा, बि मेमा म मनै लेज्याओ।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

कलुसीयो 1:18

इ काया रूपी बिस्वासी मंडळी को सीर अर जीवन की सरूआत बोई ह। अर मरेड़ा मऊँ जी उठबाळा म पेलीपोत को बोई ह, इ बजेऊँ सगळी बाता म पेली झघा बिनैई मिलै।

2 थिसलूनिकी 1:12

जिऊँ आपणा परमेसर अर परबु ईसु मसी की दयाऊँ आपणा परबु ईसु को नाम थारै म मान पावै अर थे बिमै मान पावो।

इबरानीआ 1:4

जणा बो ईस्बर नगरी दुताऊँ बडो बणगो अर जखो नाम बिनै बापोत म दिओ गयो बो बाका नामऊँ बडो ह।

इबरानीआ 1:9

तू धरमीऊँ प्यार अर नियमानै नइ मानबाळाऊँ नफरत करी, इ बजेऊँ परमेसर, तेरो परमेसर, तेर प आनंद का तेलऊँ अभिसेक कर तनै तेरा सात्याऊँ उचो कर्यो।”

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 2:9

पण आपा ईसुनै जखो ईस्बर नगरी दुताऊँ चिनोसोई कम बणायो गयो हो, इब बिनै मेमा अर मान को मुकट पेर्या देखां हां, क्युं क बो मोत की पिड़ा भोगी ह। जिऊँ क बो परमेसर की दयाऊँ सगळा मिनखा ताँई मोत भोगै।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

2 पतरस 1:17

क्युं क जद बो पिता परमेसरऊँ मेमा अर आसिरबाद लेर्यो हो जणा सऊँ सक्‍तिसाली परम-पिता परमेसर कानिऊँ ओ हेलो आयो, “ओ मेरो लाडलो बेटो ह, जिऊँ म राजी हूँ।”

3 यहून्ना 1:7

क्युं क बे मसी की सेवा करबा ताँई जार्या हीं अर बे परमेसरनै नइ ध्यारबाळा मिनखाऊँ मदद कोनी लेवीं।

दरसाव 11:15

सातुओ ईस्बर नगरी दुत जद तूताड़ी फूंकी जणा ईस्बर नगरीऊँ जोरको हेलो आयो, “इब इ धरती प परबु अर बिका मसी को राज ह, अर बो जुग-जुग ताँई राज करसी।”

दरसाव 19:16

बिकी जांघ अर बिका गाबा प अंय्यां मंडर्यो हो, ओ राजाओं को राजा अर परबुआ का परबु।

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

दरसाव 5:12

बे जोर-जोरऊँ हेलो पाड़र्या हा, “जखो उन्यो बलि चढायो गयो हो, बो मेमा, मान, धनेवाद, बळबूतो, सक्‍ति, बुदी अर धन पाबा जोगो ह।”