फलिपी 2:17 - जीवन को च्यानणो (सेकावाटी नया नियम की पोथ्या)

¹⁷ थारो बिस्वास परमेसर क सामै बलि अर याजक की सेवा जंय्यां को ह अर इ बलि प ज मेरो लोय बी चढाणो पड़ै जणा म इ बात ताँई राजी हूँ अर आ खुसी म था सगळा क सागै बाटर्यो हूँ।

फलिपी 2:17 Cross References

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

भेजेड़ा चेला का काम 21:13

पण पोलुस बाऊँ बोल्यो, “थे ओ काँई करो हो? आ ढंगा रो-रोर थे मेरो मन कचो करो हो, म तो परबु ईसु का नामऊँ यरूसलेम म खाली बंदि बणबा ताँई नइ पण मरबा ताँई बी त्यार हूँ।”

रोमीयो 12:1

इ ताँई मेरा लाडला बिस्वास्यो मेरी अरदास ह क, परमेसर जखी दया आपणा प दिखाई ह। बिकी बजेऊँ थारी कायानै पबितर अर जीवती भेंट चढावा क रूप म परमेसरनै चढा द्‍यो जखी बिनै राजी करै। क्युं क बिनै ध्यारबा को ओई सचो अर सई तरिको ह।

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

2 कुरन्थीयो 12:15

अर जठै ताँई मेरी बात ह, मेरै कनै जोक्यु बी ह, बिनै थारै ताँई राजी होर खरच करस्युं, अठै ताँई क म खुदनै बी थारै ताँई दे देस्युँ। अर जद म थारूँ, अत्तो प्यार-परेम करूं हूँ, जणा थे कंय्यां मेरूँ, थोड़ो प्यार-परेम कर सको हो?

2 कुरन्थीयो 4:12

इ बजेऊँई म्हें मोत की छांया म जीवां हां जिऊँ थे अजर-अमर जीवन म बड़ सको।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

2 कुरन्थीयो 7:4

मनै थार प पूरो भरोसो ह। मनै थार प बोळो गुमान ह, थारी बजेऊँ म कदैई हिमत कोनी हारूँ, म्हारा दुख मुसीबत म बी म थारी बजेऊँ राजी हूँ।

फलिपी 1:20

मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

फलिपी 2:18

बंय्यांई थानै बी राजी होणो चाए अर थारी खुसी को बाटो मेरै सागै करबो चाए।

फलिपी 2:30

क्युं क मसी का काम ताँई बो आपकी ज्यान प खेलर मोत क सांकड़ै आग्यो हो, जिऊँ जखी सेवा थारै कानिऊँ मेरी कोनी हो सकी बिनै बो पूरी करी।

फलिपी 4:18

मेरै कनै थारो देयड़ो सक्यु ह अर जुर्तऊँ बी बेत्ती ह: अर जखी चिजा थे ईफरदितुस क हाता मनै भेजी बे मनै मिलगी अर बे मिठी अर खुसबोई देबाळी भेंट ह जखी लेबा जोगी अर परमेसरनै राजी करबाळा बलिदान जंय्यां की ह।

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

1 थिसलूनिकी 2:8

पण थारै ताँई म्हारा प्यार-परेम क चलतै म्हें थानै चोखो समचारई कोनी सुणाया, पण इकै सागै थारै ताँई ज्यान देबानै बी राजी हां क्युं क थे म्हारा प्यारा बणग्या हा।

2 तिमूतियूस 4:6

म मेरी इ जिंदगीनै परबु की सेवा ताँई दे दिओ हूँ, मेर ताँई बा घड़ी आगी ह जद मनै मेरी आ खोळ छोडणी पड़सी।

1 पतरस 2:5

जणा इब थे बी जीवता भाठा की जंय्यां हो, जाऊँ परमेसर आपको आत्मिक घर बणार्यो ह। थे पबितर याजक बी हो, जखा आपका आत्मिक चढावानै ईसु मसी क जरिए परमेसरनै राजी करबा ताँई चढाओ हो।

1 यहून्ना 3:16

मसी आपणा ताँई आपको जीवन तज दिओ इ बात की बजेऊँई आपा जाण सकां हां क परेम काँई ह। इ ताँई आपानै बी खुदका बिस्वासी भाईड़ा ताँई ज्यान देबानै त्यार रेह्णो चाए।