फलिपी 2:16 - जीवन को च्यानणो (सेकावाटी नया नियम की पोथ्या)

¹⁶ अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

फलिपी 2:16 Cross References

मत्ती 10:27

इ ताँई म जोक्यु बी थानै अँधेरा म बोल्यो हूँ थे बिनै दिन का च्यानणा म जोरऊँ बोलो अर जखी बाता म थानै ओला म खेऊँ हूँ बाको थे कोठा प चढर हेलो पाड़ो।”

लूका 12:8

“म थानै खेऊँ हूँ, जखो कोई मिनखा क सामै मनै मान लेसी। जणा म मिनख को बेटो बी परमेसर का ईस्बर नगरी दुता क सामै बिनै अपणा लेसी।

यहून्ना 6:63

परमेसर की आत्मा तो जीवन देवै ह, पण मिनख की ताकत ख्याई काम की कोनी। जखी बात म थारूँ खई ह, बे परमेसर की आत्माऊँ ह अर जीवन देवै ह।

यहून्ना 6:68

समोन पतरस बिनै जुबाब दिओ, “परबु, म्हें किकै कनै जावां? अजर-अमर जीवन देबाळी बाता तो तेरैई कनै ह।

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

1 कुरन्थीयो 9:26

इ ताँई म बी मिनख की जंय्यां दोड़ूँ हूँ जिकै सामै एक मुकाम होवै ह म अँधेरा म तीर कोनी चलाऊँ।

2 कुरन्थीयो 1:14

जंय्यां क थे म्हानै हाल क्युंक हदताई समजो हो। पण जद परबु ईसु क ओज्यु आबा का दिन थे सगळा म्हारै प गुमान करस्यो जंय्यां म्हें थार प करां हां।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

गलातियो 4:11

म तो थारै बारां म आ सोचर डरूँ हूँ क, कदै अंय्यां नइ हो क जखी मेनत म थार ताँई करी ही बिपै पाणी फिरज्यावै।

फलिपी 1:10

जिऊँ थे घणो चोखो काँई ह इनै टाळर, मसी क ओज्यु आबा का दिन म सगळा बुरा कामाऊँ अर कळंकऊँ पबितर होज्यास्यो।

फलिपी 1:6

अर मनै पक्को बिस्वास ह की जखो चोखो काम परमेसर थारै म चालू कर्यो हो बो इ कामनै ईसु मसी क ओज्यु आबा का दिन ताँई पूरो कर देसी।

1 थिसलूनिकी 2:19

थेई बताओ, आपणा परबु ईसु क सामै बिका आबा की टेम म्हारै ताँई म्हारी आस, खुसी अर बडाई को मुकट कूण होसी? बे थेई कोनी होस्यो के?

1 थिसलूनिकी 3:5

इ ताँई जद मेरूँ ओर कोनी रिह्यो गयो जणा म थारा बिस्वास का हालचाल लेबा ताँई तिमूतियूसनै भेज्यो। परमेसर करै अंय्यां नइ होवै क बिचास्बाळो सेतान थानै बिचास्यो होवै अर म्हारी करी कराई मेनत अळी गई हो।

इबरानीआ 4:12

क्युं क परमेसर को बचन जिंदो अर काम करबाळो ह। बो दोधारी तलवारऊँ बी बेत्ती पेनो ह। परमेसर को बचन आत्मा, पिराण, जोड़ अर गुली म जार बानै न्यारो-न्यारो कर सकै ह। अर ओ हिया का बिचारानै अर मनस्यानै बिचासै ह।

1 पतरस 1:23

क्युं क थे नयो जीवन पाया हो। अर थारो ओ नयो जीवन मिनखऊँ कोनी आयो जिको अंत होवै ह। पण थारो ओ जीवन परमेसरऊँ आयो ह, जिको कोई अंत कोनी। क्युं क थे परमेसर का बचन प बिस्वास कर्या, जखो सदा-सदाई बण्यो रेह्‍वै ह।

1 यहून्ना 1:1

इ चिठी म म्हें, बि एक की बात करां हां, जिनै बचन बोल्यो गयो ह , जखो क्युबी रच्या जाबाऊँ पेली हो, जखो कदैई नइ खतम होबाळो जीवन देवै ह। म्हें बि अजर-अमर जीवन को हेलो थारै मांयनै पाड़ां हां, जखो परम-पिता क सागै हो अर म्हारै प परगट कर्यो गयो। बो जुगादऊँई हो , पण जद बो मिनख रूप मई धरती प आयो जणा म्हें इनै सुण्या, म्हारी आँख्याऊँ देख्या, अर म्हें खुद बिकै हात अड़ाया।

दरसाव 22:17

पबितर आत्मा अर बनड़ी खेवै ह, “आ!” अर जखो इनै सुणै ह बो बी बोलै ह, “आ!” अर जखो तिसायो ह बो अर जखोबी चावै बो इ जीवन का पाणी का फळनै सितमित म लेले।