फलिपी 2:14 - जीवन को च्यानणो (सेकावाटी नया नियम की पोथ्या)

¹⁴ सक्यु बिना बड़बडाट क अर बिना जिदा-जादि क कर्या करो,

फलिपी 2:14 Cross References

मत्ती 20:11

अर बे सीक्का तो ले लिआ पण जमीदार प बड़बड़ाबा लाग्या।

मरकुस 14:5

इ ईतरनै तीन सो चाँदी का सीक्काऊँ बी बेत्ती म बेच्यो जा सकै हो अर इऊँ जखा रिपीआ मिलता बिनै गरीबा म बाट्यो जाणो चाए हो।” अर बे बिनै दकालबा लाग्या।

मरकुस 9:14

जद बे बाकी का चेला कनै आया जणा बे देख्या क चेला क च्यारूमेर घणीसारी भीड़ भेळी होरी ह अर कई सास्तरानै सीखाबाळा बाकै सागै जिदर्या हीं।

लूका 5:30

इ बात प फरिसी अर सास्तरी बिका चेलानै ओळमो दिआ क, “थे चुंगी लेबाळा अर पापी मिनखा क सागै खाई-पी क्युं करो हो?”

भेजेड़ा चेला का काम 15:2

इ बातनै लेर पोलुस अर बरनाबास बाऊँ खूब लड़्या, बोळी खिचा-ताणी होबा क पाछै बिस्वास्या की बिस्वासी मंडळी पोलुसनै, बरनाबास अर क्युंक बिस्वासी मिनखानै टाळ्या क जिऊँ बे अंताकीयाऊँ यरूसलेम म जार भेजेड़ा चेला अर बिस्वासी मंडळी का मुखियाऊँ फेसलो करवावै।

भेजेड़ा चेला का काम 15:39

बि बातऊँ बाकै बिच अंय्यां की खिचा-ताणी होई क बे एक दुसराऊँ नाकै-नाकै होगा अर बरनाबास मरकुसनै लेर साईपरस चलेगो।

भेजेड़ा चेला का काम 15:7

बोळी देर खिचा-ताणी होबा क पाछै पतरस बामैऊँ खड़्यो होर बोल्यो, “मेरा लाडला बिस्वास्यो, जंय्यां की थे जाणोई हो क थार मऊँ परमेसर मनै टाळ्यो क गैर-यहूदि मेरै मुंडाऊँ परमेसर का चोखा समचारनै सुणर बिपै बिस्वास करै।

भेजेड़ा चेला का काम 6:1

बा दिना म जद परमेसरनै मानबाळा बिस्वास्या की गिणती बढरी ही, जणा यूनानी रिती-रिवाजानै मानबाळा यहूदि इबरानी रिती-रिवाजानै मानबाळा यहूदिआ प बड़बड़ाबा लाग्या क म्हारी खाली होईड़ीया क सागै रोजकी बरतबाळी चिजा बाटबा म दोगलचारो होर्यो ह।

रोमीयो 12:18

जठै ताँई होवै सगळा मिनखा क सागै स्यांतीऊँ रेह्ओ।

रोमीयो 14:1

जखा बिस्वास म कमजोर हीं बानै बी सागै राखो, पण बाका मतापै बहस मना करो।

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

1 कुरन्थीयो 10:10

अर नइ सिकायत करो, जंय्यांकी बामैऊँ बोळाजणा कर्या करता हा अर बे नास करबाळा क हाता मार्या गया।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

गलातियो 5:26

आपानै नइ तो गुमान करबो चाए, अर नइ एक दुसरानै रीस दिवाणो चाए, अर नइ आपसरी म बळोकड़ोपूणो राखबो चाए।

फलिपी 2:3

खुदकी गरज काडबा अर बुरी इंछ्या राख'र फांप मारबा ताँई क्युंई मना करो, पण छोटा बाप का बणर एक-दुसरानै खुदऊँ चोखो मानो।

1 थिसलूनिकी 5:13

बाका कामा की बजेऊँ प्यार-परेम क सागै बानै बोळा आदरमान क जोगा जाण्या करो अर आपसरी म मेळमिलापऊँ रेह्ओ।

1 थिसलूनिकी 5:15

कोईबी बुराई क बदलै बुराई नइ करै, पण सगळा मिनखा को अर एक दुसरा को भलो करबा की कोसिस करता रेह्ओ।

इबरानीआ 12:14

सगळा क सागै मेळमिलाप राखबा अर पबितर होबा ताँई हरेक जंय्यां कोसिस करो क्युं क बिना पबितरता क कदैई कोई परबुनै कोनी देख सकै।

याकूब 1:20

क्युं क मिनखा की झाळ परमेसर की धारमिक्‍तानै कोनी ल्या सकै।

याकूब 3:14

पण ज थे थारा हिया म बळोकड़ोपूणो, नफरत, मतलबीपुणो राखो हो जणा थे गुमान मना करज्यो क्युं क अंय्यां को मिनख सचनै झूठ बतावै।

याकूब 5:9

ओ मेरा लाडला बिस्वास्यो, एक दुसरा प मना बलडाओ जिऊँ थारो न्याय नइ होवै। देखो न्याय करबाळो थळी पई खड़्यो ह।

1 पतरस 3:11

बुराई करबो छोडर भलाई करै, अर इ कोसिस म लाग्यो रेह्‍वै क मेळमिलापऊँ कंय्यां रेह्ऊँ।

1 पतरस 4:9

थे बिना बड़बड़ाया एक दुसरा की आवभगत कर्या करो।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।