फलिपी 1:7 - जीवन को च्यानणो (सेकावाटी नया नियम की पोथ्या)

⁷ थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

फलिपी 1:7 Cross References

भेजेड़ा चेला का काम 20:23

पण म खाली ओई जाणू हूँ क सगळी नगर्या म पबितर आत्मा मनै हुस्यार कर दिओ ह, क तुमत अर केद मनै उडिकै ह।

भेजेड़ा चेला का काम 21:33

जणा पलटण को सरदार बिकन आर बिनै साँकळऊँ बांदबा ताँई ओडार बुज्यो, “ओ कूण ह अर ओ काँई अपराद कर्यो ह?”

1 कुरन्थीयो 13:7

परेम सगळी बातानै सेह लेवै ह, सगळी बाता प बिस्वास राखै ह, सगळी बाता की आस राखै ह, अर सगळी बाता ताँई थ्यावस राखै ह।

1 कुरन्थीयो 9:23

अर म ओ सक्यु चोखा समचार ताँई करूं हूँ क म दुसरा मिनखा क सागै इमै बाको साती-संगी बण सकूँ।

2 कुरन्थीयो 3:2

म्हारी चिठी तो थे हो, जखी म्हारै हिया की पट्या प मंडरी ह बिनै सगळा मिनख जाणै अर बाचै ह।

2 कुरन्थीयो 7:3

म अ बाता थानै बुरो बताबा ताँई कोनी खेर्यो। पण जंय्यां पेल्या म थानै बतायो हो क थे म्हारा हिया म बसर्या हो, अर म्हें थारै सागै जीवां-मरां हां।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

इफिसुस 3:1

इ बजेऊँ म, पोलुस थारै ताँई जखा गैर-यहूदि हो, मसी ईसु को दास हूँ, आई मेरै केदि होबा की बजे ह।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

इफिसुस 6:20

इ चोखा समचार ताँई म राजदुत हूँ अर साँकळा म भंदेड़ो हूँ; अर अरदास करो की म इ चोखा समचार क बारा, म बेधड़क होर बोल सकूँ।

फलिपी 1:12

अब मेरा लाडला बिस्वास्यो, जखी बाता मेरै सागै बिती ह बाऊँ पक्काई चोखो समचार बोळो फळ्यो ह। म चाऊँ हूँ क थे आ बातानै जाणो।

फलिपी 1:13

इ बजेऊँ सगळा रोमी म्हेला का पेरादारानै अर दुसरा मिनखानै इ बात को बेरो पड़गो की म मसी को सेवक हूँ इ ताँई म केद म हूँ।

फलिपी 1:14

अर म साकळा म बंदर्यो हूँ। इ बजेऊँई परबु म बिस्वास राखबाळा घणकराक भाईड़ानै घणीसारी हिमत मिली ह, अर बे चोखा समचारनै बेधड़क होर सुणार्या हीं।

फलिपी 1:5

क्युं क जद थे चोखा समचारनै सुण्या बि दिनऊँ लेर इब ताँई चोखा समचारनै फेलाबा म थे मेरा संगी हो।

फलिपी 2:22

जंय्यां बेटो बाप क सागै मिलर मेनत करै ह बंय्यांई तिमूतियूस मेरै सागै मिलर चोखा समचारनै फेलाबा ताँई मेनत करी ह अर बिकी काबलीयतनै थे खुदई चोखी तर्या जाणो हो।

फलिपी 4:14

पण ओ बोळो चोखो हो क मेरा दुख म थे मेरो सागो दिओ।

फलिपी 4:15

फलिपीयो, थे इ बातनै सूल जाणो हो क, चोखा समचार को परचार करबा हाळा सरू का दिना म जद म थारा मकीदुनिया परदेसऊँ रवाना होयो हो जणाऊँ थारीई बिस्वासी मंडळी एक अंय्यां की ही जखी मेरी मदद करी; अर थेई एक अंय्यां का हा जखा मेरा फायदा अर घाटा-मोसी म मेरो सागो दिओ हो।

फलिपी 4:3

अर मेरा बिस्वासी सिरी सुजुगे, म तेरूँ बी अरदास कर आ चाऊँ हूँ क जखी लूगाया मेरै सागै चोखा समचारनै फेलाबा म क्लेमेंस अर मेरा ओर बी सिर्या क सागै मेनत करी ही बाको सागो दिआ कर क्युं क बाको नाम बी जीवन की पोथी म मंडेड़ो ह।

कलुसीयो 4:18

अर म पोलुस खुदका हाताऊँ थानै “जे मसी की” मांडर्यो हूँ। म साकळा म बंदर्यो हूँ इ बातनै थे याद राखज्यो। परमेसर की दया थारै सागै बणी रेह। “अंय्यांई होज्यावै!”

कलुसीयो 4:3

अर सागै की सागै म्हारै ताँई बी अरदास करो क परमेसर म्हानै मसी का भेदा को परचार करबा को मोको देवै। क्युं क परचार करबा क चलतई म जेळ म हूँ,

1 थिसलूनिकी 5:5

क्युं क थे इब दिन का च्यानणा म चालो हो, थे रात का अँधकारऊँ न्यारा होगा हो।

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।

फिलेमोन 1:13

मेरी तो आ इंछ्या ही क बो अठै रेह्‍र तेरै कानिऊँ मेरी सेवा करै, क्युं क म तो चोखा समचारनै सुणाबा की बजेऊँ जेळ म बंदि हूँ।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

1 पतरस 5:1

इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

2 पतरस 1:13

म सोचूँ हूँ क, ओ चोखो ह क जद ताँई म इ काया म हूँ, थानै अ बाता याद दिवातो रेहस्युं।

1 यहून्ना 3:14

क्युं क आपा मोतऊँ बचर जीवन पाबा ताँई आग्या हां अर इकी बजे आ ह क आपा भाईड़ाऊँ प्यार-परेम करां हां। अर जखो बी मिनख परेम कोनी करै बो इब बी मोत को गुलाम ह।