फलिपी 1:20 - जीवन को च्यानणो (सेकावाटी नया नियम की पोथ्या)

²⁰ मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

फलिपी 1:20 Cross References

यहून्ना 21:19

बो आ बात आ दरसाबा ताँई बोल्यो क पतरस कंय्यां की मोत मर'र परमेसर की मेमा करसी। आ बोलर बो बिऊँ बोल्यो, “मेरै गेल आ।”

भेजेड़ा चेला का काम 20:24

पण मनै मेरी ज्यान की परवा कोनी म तो बस मेरी भाग दोड़नै पूरी करबो चाऊँ हूँ। अर परमेसर की दया का चोखा समचार सुणाबा को काम जखो परबु मनै सूप्यो ह बिनै पूरो करबो चाऊँ हूँ।

भेजेड़ा चेला का काम 21:13

पण पोलुस बाऊँ बोल्यो, “थे ओ काँई करो हो? आ ढंगा रो-रोर थे मेरो मन कचो करो हो, म तो परबु ईसु का नामऊँ यरूसलेम म खाली बंदि बणबा ताँई नइ पण मरबा ताँई बी त्यार हूँ।”

भेजेड़ा चेला का काम 4:31

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

रोमीयो 12:1

इ ताँई मेरा लाडला बिस्वास्यो मेरी अरदास ह क, परमेसर जखी दया आपणा प दिखाई ह। बिकी बजेऊँ थारी कायानै पबितर अर जीवती भेंट चढावा क रूप म परमेसरनै चढा द्‍यो जखी बिनै राजी करै। क्युं क बिनै ध्यारबा को ओई सचो अर सई तरिको ह।

रोमीयो 5:5

अर आ आस आपणो निरादर कोनी होबा दे, क्युं क पबितर आत्मा क जरिए जखी आपानै दि गई ह परमेसर को परेम आपणा हिया म उंदकायो गयो ह।

रोमीयो 6:13

थारी काया का अंगानै अधरम का सादन होबा ताँई पाप क हाता म मना द्‍यो, पण मरेड़ा मऊँ जी उठबाळा की जंय्यां परमेसर क हाता म द्‍यो। अर थारी काया का अंगानै धरम का सादन होबा ताँई परमेसरनै सूप द्‍यो।

रोमीयो 6:19

मिनख सुभाव होबा क नातै थे अ बाता कोनी समज सको इ ताँई म आम बोलचाल म समजार्यो हूँ क्युं क जंय्यां थे थारी काया का अंगानै असुद होबा अर अधरमनै बढाबा ताँई एक दास की जंय्यां काम लेता हा, जणा इब आनै धारमिक्‍ता ताँई जखी पबितरता कानि लेज्यावै दास होबा ताँई सूप द्‍यो।

रोमीयो 8:19

क्युं क आ सरस्टि बोळी आसऊँ बि टेमनै उडिकरी ह जद परमेसर आपकी ओलादनै परगट करसी।

रोमीयो 9:33

जंय्यां क पबितर सास्तर म मंडेड़ो ह, “सुणो, म सिओन म एक भाठो धर राख्यो हूँ, जखो ठोकर खुवावै ह अर एक ढाड जखी पाप करवावै ह। पण जखो बिपै बिस्वास करै ह, बो कदैई सरमिंदा कोनी होसी।”

1 कुरन्थीयो 15:31

मेरा बिस्वासी भाईड़ो, मसी ईसु क सागै थारा रिस्ता की बजेऊँ म थार प गुमान करूं हूँ आ बात जत्ती सच ह बत्तिई आ बी सच ह क म रोजकी मेरी ज्यान को खतरो उठाऊँ हूँ।

1 कुरन्थीयो 6:20

क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

1 कुरन्थीयो 7:34

अर अंय्यां करबाऊँ बिको जीवन दो हिस्सा म बट जावै ह। अर अंय्यांई कुंआरी छोरी क सागै ह। एक कुंआरी छोरी परबु की चिंत्या म रेह्‍वै ह जिऊँ बा आत्मा म अर काया म पबितर हो सकै। पण एक ब्याईड़ी लूगाई इ दुनिया की बाता म मगन रेह्‍वै ह अर आ चावै ह क म मेरा मोट्यारनै कंय्यांसिक राजी राखूँ।

2 कुरन्थीयो 10:8

परबु म्हानै थारै उपर जखो अधिकार दिओ ह बिपै ज म गुमान करूं जणा बिपै मनै सरमिंदा होबा की जुर्त कोनी। क्युं क ओ अधिकार थारै आत्मिक जीवननै बणाबा ताँई ह इनै बिगाड़बा ताँई कोनी।

2 कुरन्थीयो 3:12

म्हारै कनै आ मेमा भरी आस ह जणाई म्हें बेधड़क बोलर्या हां।

2 कुरन्थीयो 4:10

क्युं क म्हें सदाई इ बातनै ध्यान म राखां हां क ईसुनै मिनख मार्या। जणा बिका समचार को हेलो पाड़बा ताँई जद म्हें हांडा हां जणा मिनख म्हानै बी मार सकीं हीं इकै पाछै बी म्हें डरां कोनी पण मरबानै त्यार हां। जिऊँ क ईसु को जीवन बी म्हारी काया म खुला रूप म दिखै।

2 कुरन्थीयो 5:15

बो सगळा ताँई मर्यो जिऊँ जखा जीवै ह बे खुदका मतबल ताँई नइ जीवै पण बि ताँई जीवै जखो मरेड़ा मऊँ बा ताँई जीवायो गयो ह।

2 कुरन्थीयो 7:14

क्युं क म बिकै आगै थारी खूब बडाई करी ही, अर इ ताँई मनै निचो कोनी देखणो पड़्यो। पण जंय्यां म्हें थानै सची-सची बोल्या हां, बंय्यांई थारै बारां म म्हारो गुमान तितूस क सामै सचाई क सागै परगट होयो।

2 कुरन्थीयो 7:4

मनै थार प पूरो भरोसो ह। मनै थार प बोळो गुमान ह, थारी बजेऊँ म कदैई हिमत कोनी हारूँ, म्हारा दुख मुसीबत म बी म थारी बजेऊँ राजी हूँ।

फलिपी 1:14

अर म साकळा म बंदर्यो हूँ। इ बजेऊँई परबु म बिस्वास राखबाळा घणकराक भाईड़ानै घणीसारी हिमत मिली ह, अर बे चोखा समचारनै बेधड़क होर सुणार्या हीं।

फलिपी 2:17

थारो बिस्वास परमेसर क सामै बलि अर याजक की सेवा जंय्यां को ह अर इ बलि प ज मेरो लोय बी चढाणो पड़ै जणा म इ बात ताँई राजी हूँ अर आ खुसी म था सगळा क सागै बाटर्यो हूँ।

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

1 पतरस 4:16

पण ज थे मसी होबा की बजेऊँ दुख उठाओ हो जणा थानै सरमिंदा होबा की जुर्त कोनी, पण थानै इ बजेऊँ परमेसर की मेमा करबो चाए।

1 यहून्ना 2:28

ओ टाबरो, इ ताँई थे ईसु मसी म बण्या रेह्ओ, जिऊँ बो परगट होसी जणा आपा बिस्वास म मजबूत रेह्‍वां अर जद बो ओज्यु आसी बि टेम का आपानै बिकै सामै सरमिंदा नइ होणो पड़ै।