फलिपी 1:13 - जीवन को च्यानणो (सेकावाटी नया नियम की पोथ्या)

¹³ इ बजेऊँ सगळा रोमी म्हेला का पेरादारानै अर दुसरा मिनखानै इ बात को बेरो पड़गो की म मसी को सेवक हूँ इ ताँई म केद म हूँ।

फलिपी 1:13 Cross References

भेजेड़ा चेला का काम 26:29

पोलुस बोल्यो, “के थोड़ो टेम, के बोळो, पण म तो परमेसरऊँ आई अरदास करूं हूँ क थे अर जत्ता बी मनै आज अठै सुणी हीं बे जि साँकळाऊँ म बंदर्यो हूँ आनै छोडर बाकी बाता म मेरै जंय्यां का होज्यावै।”

भेजेड़ा चेला का काम 26:31

अर बठैऊँ जार आपसरी म बतळाबा लाग्या, “ओ मिनख अंय्यां को तो कोई काम कोनी कर्यो जिऊँ इनै मार्यो अर बंदि राख्यो जावै।”

भेजेड़ा चेला का काम 28:17

अर तीन दिना क पाछै पोलुस बठै का यहूदि बडका की एक सभा बुलाई। अर जद बे भेळा होया जणा बो बाऊँ बोल्यो, “यहूदि भाईड़ो, म आपणा मिनखा अर बाप-दादा का रिती-रिवाजा क खिलाप क्युंई कोनी कर्यो इकै बावजुद बी यरूसलेम म बंदि बणार रोमी मिनखा क हाता म सूप्यो गयो।

भेजेड़ा चेला का काम 28:20

इ ताँई म थारूँ मिलबो अर बातचित करबो चावै हो। क्युं क मसी ताँई इजरायली मिनखा की आस की बजेऊँई म साँकळाऊँ बंदर्यो हूँ।”

भेजेड़ा चेला का काम 28:30

बो पूरा दो बरसा ताँई आपका किराया का मकान म रिह्यो, अर जखा बी बिकन आता हा, बो बा सगळा की आवभगत करतो हो।

इफिसुस 3:1

इ बजेऊँ म, पोलुस थारै ताँई जखा गैर-यहूदि हो, मसी ईसु को दास हूँ, आई मेरै केदि होबा की बजे ह।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

इफिसुस 6:20

इ चोखा समचार ताँई म राजदुत हूँ अर साँकळा म भंदेड़ो हूँ; अर अरदास करो की म इ चोखा समचार क बारा, म बेधड़क होर बोल सकूँ।

फलिपी 1:30

क्युं क थे बी बाई राड़ लड़र्या हो जखी म लड़तो आयो हूँ इनै थे देख्या बी हो अर जंय्यां थे सुणो हो क इब ताँई बी, म इनै लड़र्यो हूँ।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

फलिपी 4:22

परमेसर का सगळा मिनख जखा खासकर रोमी समराट का महल म काम करबाळा हीं बाकै कानिऊँ बी थानै जे मसी की पुगै।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।