LIOLONGANJI 7:12 - Embimbiliya - Bíblia Sagrada em Umbundu

¹² Va Midiane la va amaleke lomanu vosi vokutundilo va liyala vocimbota, owiñi waco ndolohuma. Olongamelo viavo oku vi tenda ka ci tẽliwa, viakahandangala ndeseke liokopalaya.

LIOLONGANJI 7:12 Cross References

I OLOSOMA 20:27

Va Isareli va tendiwavo, va tambula ohuta, kuenje va va tundila. Va Isareli va tunga ovilombo, yu va lisuñama lavo, kuenje va moleha ndotuviunda tuvali tuotuhombo. Va Suria puãi ve yuka to vofeka.

I OLOSOMA 4:30

Olondunge via Salomone via velelepo olondunge viomanu vosi vokutundilo, ndaño olondunge viosi vie Egito.

OLOSAMO 3:1

A Yehova, ovanyali vange va lua cimue! Ava va ñatukila va lua.

OLOSAMO 33:16

Layimue osoma yi popeliwa lolohoka viaye vialua. Esualali ka li popeliwa lolohõlo via lua.

YEREMIYA 46:23

Va timbula esisi liaye; ndaño ka mu pitiwa. Momo koku lova va pitahãla olohuma, ka va tendiwa. Oco ca popia Yehova.

YEHOSUA 11:4

Va katuka, ovo kumue lolohoka viavo viosi. Owiñi walua, wakahandangala, ndeseke liokopalaya, kumue lotuvalu lakãlu akahandangala.

LIOLONGANJI 6:3

Olonjanja viosi eci va Isareli va kũla ombuto, va Midiane kumue la va Amaleke, lomanu vokutundilo, veyaiya, kuenje va va katukila.

LIOLONGANJI 6:33

Oco va Midiane vosi la va Amaleke lomanu vosi vokutundilo, va likonga, yu va yoka Yordão, kuenje va tunga ocilombo vocimbota ca Yesirele.

LIOLONGANJI 6:5

Momo veyaiya loviunda viavo lolombalaka viavo. Veya owiñi ndolohuma. Oku va tenda, ovo kumue lolongamelo viavo, ka ca tẽliwile. Veya vofeka oku yi nyõla.

LIOLONGANJI 7:13

Eci Gideone a pitilako, tala, ulume umue wa kala loku lomboluila ukuavo onjoi yaye, hati, Ota, nda lota onjoi, handeci ño; Ombolo yimue yosevata ya tiñuluhila vocilombo ca Midiane, yeya toke kombalaka, yu ya litusulamo, kuenje ombalaka ya wa. Ya yi tingulula, loyo ya liyala posi.

LIOLONGANJI 8:10

Kaliye Seva la Calimuna va kala ko Karikore, kumue lolohoka viavo, via soka olohulukãi ekui lavitalo vialume, vosi va supile polohoka viosi viomanu vokutundilo. Kua kupuiwile ocita lakui avali kolohũlũkãi vialume vakualosipata.

I SAMUELE 13:5

Va Filisiti va lipongiyila oku liyaka la va Isareli, vongolola akãlu akuĩ atatu kolohũlũkãi, kuenda vakuakuendela kotuvalu olohũlũkãi epandu. Asualali vavo va soka ndeseke liokopalaya yokalunga. Va lamana, va tunga ocilombo cavo vo Mikimase, kutundilo wa Betavene.

I SAMUELE 30:17

Daviti wa va kundula tunde koñolosi yeteke eli toke koñolosi yeteke likuavo. Lulume umosi ka pulukile te ovita vikuãla viakuenje va wila kolongamelo kuenje va tila.