LIOLONGANJI 6:17 - Embimbiliya - Bíblia Sagrada em Umbundu

¹⁷ Gideone wa popia laye hati, Cilo nda nda sanga ohenda kovaso ove, ndekisa ondimbukiso yokuti ove o kasi loku vangula lame.

LIOLONGANJI 6:17 Cross References

ISAYA 7:11

Pinga ku Yehova Suku yove ondimbukiso; yi longe ndonjembo, pamue yi lepe ndokovailu.

OLOSAMO 86:17

Ndekise ondimbukiso yokuti wa nundila olunda, okuti ava va suvuka va ci mõla kuenje va kutiwa osõi, momo ove, a Yehova, wa ngohela haive wa ndembeleka.

ETUNDILO 33:13

Oco nda ñasi ciwa love, ndongise ovituwa viove okuti hu kulĩha si kala ciwa love. Sokololavo okuti omanu ava omanu vove.

ETUNDILO 33:16

Momo ci limbukiwa ndati okuti ñasi ciwa love, ame lomanu vove? Siti te nda wenda letu, okuti ame lomanu vove tu tepisua lomanu vakuavo vosi va kasi kilu lieve.

LIOLONGANJI 6:18

Hu pinga, palo ku ka tundepo, toke niuka kokuove, oku ku nenela ombanjaile yange si ku yi tumbikila. Eye hati, Ngamisapo toke o tiuka.

I OLOSOMA 13:3

Keteke liaco muẽle, wa eca ondimbukiso, hati, Ondimbukiso Yehova a tukula yeyi: Tala, utala u toka pokati kuenje etiko li kasiko li peseka.