LIOLONGANJI 16:12 - Embimbiliya - Bíblia Sagrada em Umbundu

¹² Oco Delila wa nyañula ovikolo viokaliye, wo kuta lavio, kuenje wa popia laye hati, A Samisone, tala va Filisiti! Vakuakulavekela va kala vohondo yovokati. Ovikolo viokovoko aye, Samisone wa vi soyola ndolumbanja.

LIOLONGANJI 16:12 Cross References

OVILINGA 21:33

Oco kesongo wa amako yu wo kuata kuenje wa handeleka okuti vo kuta lalienge avali. Noke wa pula onduko yaye kuenda eci a linga.

LIOLONGANJI 15:14

Eci eya ko Lehi, va Filisiti va ñualehela laye loku ulula. Espiritu lia Yehova lio wila lunene. Ovikolo viokovoko aye via linga ndutele wa vawuka londalu. Ovikolo viaye via loluka kovaka aye.

LIOLONGANJI 16:11

Eye wa popia lukãi hati, Nda va ñuta lovikolo viokaliye, ka via la kuta cimue, oco ndi pua ongusu kuenje ndinga ndomanu vakuavo.

LIOLONGANJI 16:13

Delila wa popia la Samisone, hati, Toke cilo wa sevuisa ño, kuenda wa ñembamo. Sapuileko ndomo o tẽla oku kutiwa. Eye wa popia lukãi hati, Nda atombi epanduvali okutue wange wa a tuta kumue lonanga, loku a tõlisa lombambo yomakina yoku tuta, oco ndi pua ongusu, kuenje ndinga ndomanu vakuavo.