LIOLONGANJI 11:29 - Embimbiliya - Bíblia Sagrada em Umbundu

²⁹ Oco Espiritu lia Yehova lia wila Yefita. Yu wa tomẽla ko Gileada la Manase, wa pita ko Misipa ya Gileada, wa katukila va Amoni.

LIOLONGANJI 11:29 Cross References

ATENDELO 11:25

Yehova wa loka velende kuenje wa popia laye; wopa ke Espiritu lia kala kokuaye, wa li kapa kakui epanduvali kolosekulu. Oco eci Espiritu lieya kokuavo oco va popia ovitumasuku. Noke puãi va liweka.

LIOLONGANJI 3:10

Espiritu lia Yehova lio wila, kuenje wa tetuluila Isareli. Wa tunda oku yaka, kuenje Yehova wa eca peka liaye Kusiana Risiatayimi. Soma ya Mesopotamia. Wa yula Kusiana Risiatayimi.

I ASAPULO 12:18

Oco Espiritu lia wila Amasai usongui wa vakesongo, yu wa popia hati, Tumanu vove, a Daviti, tu tiamẽla kokuove, amõla a Jese. Ombembua, ocili ombembua yi kale love! Ombembua yi kale lava va ku kuatisa, momo Suku yove o ku kuatisa. Oco Daviti wa va tambula, kuenje wa va lingisa vakesongo liolohoka.

I SAMUELE 10:10

Eci veya ko Givea oco ovaprofeto vamue va ñualẽhela. Espiritu lia Suku lio wila longusu ya lua kuenje eye wa imba owanji pokati kavo.

LIOLONGANJI 13:25

Espiritu lia Yehova lia fetika oku u tuñunya ko Mahanendani, pokati ka Sora la Esitaole.

LIOLONGANJI 10:17

Va Amoni va likonga, yu va tunga ocilombo ko Gileada. Kuenda va Isareli va liongolola, yu va tunga ocilombo ko Misipa.

LIOLONGANJI 6:34

Puãi Espiritu lia Yehova lia wila Gideone. Wa sika olumbeta, kuenje va Aviyesere va likongela, ha vo kuama.

EFETIKILO 31:49

kuenda Misipa, momo hati, Yehova a tu lavulule, love lame, osimbu tua litepa omunu lokuavo.

LIOLONGANJI 11:11

Oco Yefita wa enda kumue lakulu va Gileada, kuenje omanu vo lingisa kesongo liavo kuenda ndusongui. Kuenje Yefita wa popela olondaka viaye viosi kovaso a Yehova ko Misipa.

LIOLONGANJI 11:28

Haimo Soma ya va Amoni ka yevelelele kolondaka vio tumisa Yefita.

LIOLONGANJI 11:30

Yefita wa lisinga ku Yehova hati, Nda weca va Amoni peka liange,

I SAMUELE 11:6

Eci Saulu a yeva ondaka yaco oco Espiritu lia Suku lia wila longusu kuenje onyeño yaye ya wenguka enene.

I SAMUELE 12:11

Yehova yu wa tuma Yerubaale la Baraka kuenda Yefita la Samuele kuenje wo popeli peka liovanyali vene kolonele viosi. Kuenje wa tungi yu wa koki.