LIOLONGANJI 11:1 - Embimbiliya - Bíblia Sagrada em Umbundu

¹ Yefita u Gileada, wa kala ulume wa pama, ukuotoi. Haeye omõla ocipuepue. Gileada eye wa cita Yefita.

LIOLONGANJI 11:1 Cross References

II OLOSOMA 5:1

Namana, kesongo liolohoka via Soma ya Suria, wa kala omunu unene kovaso a cime caye, haeye wa sumbilua momo Yehova eye a yulisa laye Suria. Haeye ulume wa pama, ukuotoi, puãi ukuavilundu.

VA HEVERU 11:32

Mopia nye vali? Momo si moli otembo yoku ivaluka Gideone, la Baraka, la Samisone, kuenda Yefita, la Daviti, la Samuele, kuenda ovaprofeto.

LIOLONGANJI 10:18

Omanu, olombuale via Gileada, va livangula pokati, vati, Helie ulume waco o fetikako oku liyaka la va Amoni? Eye o linga usongui wava vosi va tunga vo Gileada.

LIOLONGANJI 11:2

Ukãi wa Gileada wo citilavo omala valume. Eci omala vukãi waye va kula, va tundisa Yefita, kuenda va popia laye vati, Ove ku piñala vonjo ya tate, momo wumola ukãi umue wiñi.

LIOLONGANJI 6:12

Ungelo wa Yehova wo tukulukila, wa popia laye hati, Yehova o kasi love, olume wa pama ukuotoi.

I SAMUELE 12:11

Yehova yu wa tuma Yerubaale la Baraka kuenda Yefita la Samuele kuenje wo popeli peka liovanyali vene kolonele viosi. Kuenje wa tungi yu wa koki.