یوحنایِ مکاشفه 8:1 - کتاب مقدس به زبان مازندرانی - گویش شرقی

¹ وَختی که وَره هَفتِمین مُهرِ بِشکِسه، حدودِ نیم‌ساعت آسمونِ دِله سکوت برقرار بَییه.

گیله ماز

¹ وختی که وَرِّه هَفتِمین مُهرِ بِشکِندِه، حِدود نیم ساعت آسمانِ دِلهِ سکوت برقرار هَبا

کتاب مقدس به زبان مازندرانی - گویش غربی

¹ وختی گه وَرکا هَفتِمین مِهرِ بِشکانیِه، حِدود نیم ساعت آسمونی دِلِه سکوت برقرار بَوِه

یوحنایِ مکاشفه 8:1 Cross References

اِنجیلِ مَتّی 27:66

پَس بُوردِنه و مَقبرِهِ سَنگِ مُهر و مُوم هاکاردِنه و نِگَهوونونی اونجه بییِشتِنه تا مَقبرِهِ جِم محافظت هاکانِن.

یوحنایِ مکاشفه 5:1

اون مووقه اون تخت‌نشینِ راسِ دَسِ دِله یِتا طومار بَدیمه که وه پِشت و رو بَنوشته‌ بَییه بییه، و هفتا مُهرِ هِمراه، مهر و موم بَییه بییه.

یوحنایِ مکاشفه 5:9

و وِشون یِتا جدید سرود بَخوندِسِنه که گاته: «تِ لیاقت دارنی که طومارِ بَیری و وه مُهرها ره بِشکِنی، چوون که قِروونی بَئی و شه خونِ هِمراه مَردِمِ هر طایفه و زِوون و قوم و ملَّت، خِدائه وِسه بَخری ای؛

یوحنایِ مکاشفه 6:1

اون مووقه وَره ره بَدیمه که یِتا از اون هفتا مُهرِ بِشکِسه و بِشنُسِمه یِتا از اون چهارتا زنده مخلوق یِتا صدائه هِمراه که رعدِ واری بییه بااوته: «بِرو!»

یوحنایِ مکاشفه 6:12

و وَختی که وره شیشمین مُهرِ بِشکِسه، مِن بَدیمه و هارِش، یِتا گَتِ زلزله بییَمو و اِفتاب پِلاسِ واری سیو بَییه، و کاملِ ماه، خونِ رنگ بَییه.

یوحنایِ مکاشفه 6:3

و وَختی که وَره دِوّمین مُهرِ بِشکِسه، بِشنُسِمه که دِوّمین زنده مخلوق بااوته: «بِرو!»

یوحنایِ مکاشفه 6:5

وَختی که وَره سِوّمین مُهرِ بِشکِسه، بِشنُسِمه که سِوّمین زنده مخلوق بااوته: «بِرو!» و مِن بَدیمه و هارِش، یِتا سیوِ اَسب بییه و اونی که اون اسبِ سَر سِوار بییه شه دَسِ دِله یِتا ترازو داشته.

یوحنایِ مکاشفه 6:7

وَختی که وره چهارمین مُهرِ بِشکِسه، چهارمین زنده مخلوقِ صدا ره بِشنُسِمه که بااوته: «بِرو!»

یوحنایِ مکاشفه 6:9

وَختی که وَره پنجمین مهرِ بِشکِسه، مِن قِروونگاهِ بِن، اون آدِمائه جانِ بَدیمه که خِدائه کِلامِ خاطِری و اون شِهادتایی که هِدا بینه، بَکُشته بَییه بینه.