یوحنایِ مکاشفه 6:3 - کتاب مقدس به زبان مازندرانی - گویش شرقی

³ و وَختی که وَره دِوّمین مُهرِ بِشکِسه، بِشنُسِمه که دِوّمین زنده مخلوق بااوته: «بِرو!»

گیله ماز

³ وختی که وَرِّه دُوّمین مُهرِ بِشکِندِه، بِشنَوِسَّم که دوّمین زندهِ مخلوقِ باَگوته: «بیِه!»

کتاب مقدس به زبان مازندرانی - گویش غربی

³ وختی گه وَرکا دِوّمین مِهرِ بِشکانیِه، بِشنُسِمِه گه دوّمین زینِّه مخلوقِ بُتِه: «بِرِه!»

یوحنایِ مکاشفه 6:3 Cross References

اِنجیلِ مَتّی 27:66

پَس بُوردِنه و مَقبرِهِ سَنگِ مُهر و مُوم هاکاردِنه و نِگَهوونونی اونجه بییِشتِنه تا مَقبرِهِ جِم محافظت هاکانِن.

یوحنایِ مکاشفه 4:7

اَوِّلین زنده مخلوق، شیرِ واری بییه و دِوّمین زنده مخلوق، گوِ واری. و سِوّمین زنده مخلوق، آدِمِ واری بییه و چهارمین زنده مخلوق، یِتاعقابِ واری بییه که داشته پرواز کارده.

یوحنایِ مکاشفه 6:1

اون مووقه وَره ره بَدیمه که یِتا از اون هفتا مُهرِ بِشکِسه و بِشنُسِمه یِتا از اون چهارتا زنده مخلوق یِتا صدائه هِمراه که رعدِ واری بییه بااوته: «بِرو!»

یوحنایِ مکاشفه 8:1

وَختی که وَره هَفتِمین مُهرِ بِشکِسه، حدودِ نیم‌ساعت آسمونِ دِله سکوت برقرار بَییه.