یوحنایِ مکاشفه 3:8 - کتاب مقدس به زبان مازندرانی - گویش شرقی

⁸ مِن تِ اَعمالِ جِم خَوِر دارمه. هارِش یِتا واز هاکارده در تِ روب رو بییِشتِمه که هیچ‌کس نَتونده اونِ دَوِنده. دومبه که تِ قِوَّت کمِ، ولی مِ کِلامِ داشتی و مِ اسمِ انکار نَکاردی.

گیله ماز

⁸ مَن تی اعمالِ جی خَبَر دارَم. بِیِیش، ایتا واز هَکُردِه دَر تی پِیش بَنَم که هیچکَس نَتَّنِه اونِهِ دَبِدِه. دانَم که تی قُوَّت کَمِ، وَلی می کَلامِ بِداشتی و می اِسمِ حَشا نَکوردی.

کتاب مقدس به زبان مازندرانی - گویش غربی

⁸ مِن تی اعمالی جا خَوَر دارمِه. هارِش، یَتِه وا هاکِردِه دَر تی پِش بِشتِمِه گه هیچکَس نَتِنِّه اونِه دَوِنِّه. دِمِّه گه تی قِوَّت کَمِ، ولی می کَلامِ داشتی و می اِسمِ هَشا نَکِشی.

یوحنایِ مکاشفه 3:8 Cross References

لوقا 12:9

ولی هر کی مِ ره مَردِمِ پَلی اِنکار هاکانه، مِن هم خِدائه فرشته هائه پَلی وه ره اِنکار کامبه.

اِنجیلِ یوحنا 15:20

کِلامی که شِما ره بااوتِمه ره شه یاد دارین: ”غِلام شه اربابِ جِم گَت تِر نییه.“ اگه مِ ره آزار اَذیِّت هاکاردِنه، شِما ره هم آزار اَذیِّت کاندِنه؛ و اگه مِ کلامِ عَمِل هاکاردِنه، شِمه کِلامِ هَم عَمِل کاندِنه.

اِنجیلِ یوحنا 17:6

«مِن تِ اسمِ، اونایی ره که تِ این دِنیائه دِله مِ ره هِدایی، دیار هاکاردِمه. اونا تِ وِسه بینه و تِ وِشونِ مِ ره هِدایی، و وِشون تِ کلامِ به جا بیاردِنه.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اوّلین نامِه قُرنتیانی سِه 16:9

چوون خِدمِتِ وِسه یِتا گَتِ دَر مِ وِسه واز بَییه که خَله فایده دارنه، و دِشمِنون هم یَته خَله نه.

دوّمین نامه قرنتیانِ وَسین 2:12

وَختی تْروآسِ شَهر بوردِمه، تا مَسیحِ اِنجیلِ موعظه هاکانِم، با این که خِداوند اونجه یِتا گَتِ دروازه مِ وِسه واز هاکارده.

فیلیپیان 4:13

اونِ طَریقِ جِم که مِ ره قِوَّت دِنه، هر کاری ره تومبه هاکانِم.

کولُسیان 4:3

و همزِمون اَمه وِسه هم دِعا هاکانین، تا خِدا یِتا دَر کِلامِ وِسه اَمه وِسه واز هاکانه تا بَتونیم مَسیحِ رازِ اِعلام هاکانیم. اون رازی که اونِ خاطِری زِندونِ دِله دَرِمبه

اول تیموتائوس 5:8

ولی اگه یه نَفِر شه فامیلون، مخصوصاً شه خانِوادهِ احتیاجاتِ دِمبال دَنی بوئه، شه ایمونِ انکار کانده و یِتا بی ایمونِ جِم بَد‌تِرِ.

دوم تیموتائوس 4:7

مِن خوارِ جنگِ دِله بَجِنگِسِمه، شه مسابقه ره تِموم هاکاردِمه و شه ایمونِ حِفظ هاکاردِمه.

یهودائه نامه 1:4

چوون مَردِمی که وِشونِ مَحکومیت از قدیم تعیین بَییه، یواشِکی شِمه میون نفوذ هاکاردِنه. اینا بی دینونی هَسِنه که اَمه خِدائه فیضِ، به عیاشی تبدیل کاندِنه و عیسی مَسیح تنها اَرباب و اَمه خِداوندِ اِنکار کاندِنه.

یوحنایِ مکاشفه 2:13

دومبه کِجه موندِنی، اونجه که شیطانِ پادشاهیِ تَختِ. با این وجود مِ اسمِ قایم بَچِسبِسی و حَتَّی اون روزائه دِله که آنتیپاس، مِ اون وِفادارِ شاهد که شِمه میون، اونجه که شیطان موندِنه، وه ره بَکوشتِنه، ایمونی که مِ ره داشتی ره اِنکار نَکاردی.

یوحنایِ مکاشفه 2:2

تِ کارا ره دومبه و تِ صبر و تِحَمُّل و عِذاب هائه جِم خوِر دارِمه. و دومبه که شَرورِ آدِمونِ نَتوندی تِحَمُّل هاکانی بلکه کِسایی که شه ره رسول دوندِنه ولی نینه، وِشونِ آزمود هاکاردی و بِفَهمِسی که دِراغ زَن هَسِنه.

یوحنایِ مکاشفه 22:7

«و هارِش، مِن خَله زود اِمبه! خِش به حال کِسی که این کتابِ نبِوَّتِ کِلامِ داره.»

یوحنایِ مکاشفه 3:1

«و ساردِسِ کلیسائه فِرشتهِ وِسه بَنویس: «اون که خِدائه هفتا روح و هفتا ستاره ره دارنه، این طی گانه: تِ اَعمالِ جِم خَوِر دارِمه. اینِ وِسه سرشناسی که زنده ای، ولی بَمِردی

یوحنایِ مکاشفه 3:10

چوون که تِ مِ کِلامِ صبر و تِحَمُّل خَوِری داشتی، مِنِم تِ ره اون آزمودِ ساعتِ دِله دارمه اون ساعت که تِمومِ دِنیائه سَر اِنه تا زِمینِ سَرِ مَردِمِ آزمود هاکانه.

یوحنایِ مکاشفه 3:15

تِ اَعمالِ جِم خَوِر دارمه؛ که نا بِچائی و نا داغ. کاش یا بِچا بیئی یا داغ.

یوحنایِ مکاشفه 3:7

«فیلادِلفیهِ کلیسائه فِرشتهِ وِسه بَنویس: «اون که قدّوسِ، اون که حَقِّ، اون که داوودِ کلیتِ دارنه، اون که واز کانده و هیچ کِس نَتونده دَوِنده، و اون که وَندِنه و هیچ کس نَتونده واز هاکانه، این طی گانه: