یوحنایِ مکاشفه 2:11 - کتاب مقدس به زبان مازندرانی - گویش شرقی

¹¹ «اون که گوش دارنه بِشنُئه که خِدائه روح کلیساها ره چی گانه. هر کی که پیروز بَووه، دوّمین مَرگِ جِم بِلایی وه سَر نِننه.

گیله ماز

¹¹ «اونکه گوش داره بِشنَوئهِ، که خُدایِ روح کلیساها رِه چی گونِه. هر کی که پیروز هَبو، دُوّمین مرگ جی بلایی اونه سَر نیئَنِه.

کتاب مقدس به زبان مازندرانی - گویش غربی

¹¹ «اونگه گوش دارنِه بِشنُئِه، گه خِدایی روح کلیساهارِه چی گِنِه. هر کی گه پیروز بَوو، دِوّمین مرگی جا بلایی وی سَر نیئنِه.

یوحنایِ مکاشفه 2:11 Cross References

اِنجیلِ مَتّی 11:15

هر کی گوشِ شِنِوا دارنه بِشنُئه.

اِنجیلِ مَتّی 13:9

هر کی گوشِ شِنِوا دارنه بِشنُئه.»

مَرقُس 4:9

بعد عیسی بااوته: «هر‌ کی گوشِ شِنِوا دارنه، بِشنُئه.»

مَرقُس 7:16

هر‌ کی گوش شِنِوا دارنه، بِشنُئه!]»

لوقا 8:8

ولی تیمائه جِم اَت کم خوارِ زِمینِ دِله دَکِته و سَر بَکِشیه و صد بِرابر بار بیارده.» عیسی بَعد از اینکه این چیا ره بااوته، بِلِندِ صِدائه هِمراه بااوته: «هر‌ کی گوش شِنِوا دارنه، بِشنُئه!»

یوحنایِ مکاشفه 13:9

اون که گوش دارنه بِشنُئه:

یوحنایِ مکاشفه 2:17

«اون که گوش دارنه بِشنُئه که خِدائه روح، کلیساها ره چی گانه. هر کی پیروز بَووه، اون جا هِدا”مَنّائه“ جِم وه ره دِمبه. و یِتا اسبه سَنگ وه ره دِمبه که وه سَر یِتا جدیدِ اسم بَنوِشته بَییه، که هیچ کس اونِ نَدونده به جِز کِسی که اونِ گِرنه.

یوحنایِ مکاشفه 2:7

«اون که گوش دارنه بِشنُئه که خِدائه روح کلیساها ره چی گانه. هر کی که پیروز بَووه، اینِ وه ره بَخشِمبه تا زندگیِ دارِ میوهِ جِم که خِدائه بهشتِ دِله دَره، بَخُره.

یوحنایِ مکاشفه 20:14

و بعد مَرگ و مِرده هائه دِنیا تَشِ دریاچهِ دِله دِم هِدا بَینه. این تشِ دریاچه، دِوّمین مَرگِ.

یوحنایِ مکاشفه 20:6

مِقدّس و مِوارک اونیِ که اَوِّلین زنده بَیِّنِ دِله سَهم دارنه. دِوّمین مَرگ این طی آدِمونِ سَر هیچ قِدرَتی نِدارنه بلکه وِشون خِدا و مَسیحِ کاهنون بونِنه و وه هِمراه هزار سال سلطَنِت کاندِنه.

یوحنایِ مکاشفه 21:7

هر کس پیروز بَووه، اینا ره اِرث وَرنه، و مِن وه خِدا بومبه و وه مِ ریکا بونه.

یوحنایِ مکاشفه 21:8

ولی ترسوا و بی‌ایمونا و فاسدا و آدِم کشا و زِناکارا و جادوگرا و بِت‌پرسا و تِمومِ دِراغ زَن ها، وِشون همهِ نَصیب اَلوک بَکِشیه دریاچه، تَش و گوگردِ هِمرائه. این دِوّمین مَرگِ.

یوحنایِ مکاشفه 3:12

هر کی که پیروز بَووه، شه خِدائه مَعبِدِ دِله، وه ره سِتون کامبه، و دییه هیچ وَخت اونجه جِم نَشونه. و مِن شه خِدائه اسمِ و شه خِدائه شَهرِ اسمِ وه سَر نِویسِمبه یعنی جدیدِ اورشَلیم که آسِمونِ جِم مِ خِدائه طَرِفِ جِم اِنه، و شه جدیدِ اسمِ هم وه سَر نِویسِمبه.

یوحنایِ مکاشفه 3:13

اون که گوش دارنه بِشنُئه که خِدائه روح کلیساها ره چی گانه.

یوحنایِ مکاشفه 3:5

هر کی که پیروز بَووه، این طی اسبه لِواس پوشِنه و مِن وه اسمِ هیچ وَخت حیاتِ دفتِرِ جِم پاک نَکامبه، و شه پییِر و وه فرشته هائه پَلی، وه اسمِ شه زِوون یارمه.

یوحنایِ مکاشفه 3:6

اون که گوش دارنه بِشنُئه که خِدائه روح کلیساها ره چی گانه.