یوحنایِ مکاشفه 17:9 - کتاب مقدس به زبان مازندرانی - گویش شرقی

⁹ «این، یِتا حَکیمِ عقل خوانه. اون هفتا کلّه، هفتا کوهِنه که اون زِنا اونائه سَر نیشته.

گیله ماز

⁹ «این ایتا حَکیمِ عقل خَنِه. اون هَفتا کَلِّه، هفتا کوهِن که اون زِنا اوشانِ سَر نیشتِه.

کتاب مقدس به زبان مازندرانی - گویش غربی

⁹ «هَین یَتِه حَکیمِ عقل خواینِه. هون هَفتا کَلِّه، هفتا کوهِنِه گه هون زَنا اونِنی سَر نیشتِه.

یوحنایِ مکاشفه 17:9 Cross References

اِنجیلِ مَتّی 13:11

عیسی جِواب هِدا: « آسِمونِ پادشاهیِ رازِ بِفَهمِسِن، شِما ره هِدا بَییه، ولی وِشونِ هِدا نَییه .

اِنجیلِ مَتّی 24:15

«پَس اون وحشتناکِ چی که دانیالِ پِیغمبِر وه خَوِری بَنوِشته ره بَوینین که مِقَدَّسِ جائه دِله بَرپا بَییه (اونی که خوندِنه وه ره حالی بَووه)

یوحنایِ مکاشفه 13:1

بعد بَدیمه یِتا وحشیِ جانور دریائه جِم بیرون اِنه. ده تا شاخ و هفتا کلّه داشته، ده تا تاج وه شاخهائه سَر دَییه؛ و وه هر کلّهِ سَر یِتا کفرآمیزِ اسم بَنوِشته بَییه بییه.

یوحنایِ مکاشفه 13:18

این حِکمَت خوانه. هر کی فَهم دارنه، بییِل تا اون وحشی جانورِ شِماره ره حِساب هاکانه، چوون که اون شماره انسانِ شماره هسه. و وه شماره شیشصد و شصت و شیش هَسه.

یوحنایِ مکاشفه 17:18

و اون زِنا که بَدیئی هَمون گَتِ شَهرِ که زِمینِ پادشاهونِ سَر حکومت کانده.»

یوحنایِ مکاشفه 17:3

اون فرشته خِدائه روحِ دِله مِ ره صحرا بَوِرده. اونجه یِتا زِنا ره بَدیمه که یِتا سِرخِ وحشی جانورِ سَر سِوار بییه، اون جانورِ تَن، کفرآمیزِ اِسم هائه هِمراه دَپوشی بییه، و هفتا کلّه و ده تا شاخ داشته.

یوحنایِ مکاشفه 17:7

ولی فرشته مِ ره بااوته: «چه اَنده تَعجِّب هاکاردی؟ مِن اون زِنائه راز و اون وحشی جانورِ رازِ که هفتا کَلّه و ده تا شاخ دارنه و زِنا وه سَر سِوارِ ره تِ وِسه گامبه.