یوحنایِ مکاشفه 13:4 - کتاب مقدس به زبان مازندرانی - گویش شرقی

⁴ مَردِم اژدها ره پِرسش کاردِنه، چوون شه اقتدارِ اون وحشی جانورِ هِدا بییه. و اون وحشی جانورم پرسِش کاردِنه و گاتِنه: «کیِ که بَتونه اون وحشی جانورِ واری بوئه؟ کیِ که بَتونه وه هِمراه جَنگ هاکانه؟»

گیله ماز

⁴ مَردُم اژدها رِه پَرَسِّش کانه بان چون خودشه اقتدارِ اون وحشی جانِوَرِ هَدَه با. و اون وحشی جانِوَرم پَرَسِّش کانه بان و گونه بان: «کیِه که بِتَّنِه اون وحشی جانورِ مِثان هَبو؟ کیِه که بَتَّنِه اونه هَمرَه بَجِنگِه؟»

کتاب مقدس به زبان مازندرانی - گویش غربی

⁴ مَردِن اژدهارِه پَرَسِش کِردِنِه چون شی اقتدارِ هون وحشی جانِوَرِ هادا وِه. و هون وحشی جانِوَرم پَرَسِش کِردِنِه و گِتِنِه: «کیِه گه بَتنِّه هون وحشی جانوری تَرا ووئِه؟ کیِه گه بَتِنِّه وی هَمرا جنگ هاکِنِه؟»

یوحنایِ مکاشفه 13:4 Cross References

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

دوّم تِسالونیکیان 2:4

وه هر چیِ هِمراه که خِدا بااوته بونه یا پرسِش بونه، مخالفت کانده و شه ره وِشونِ جِم سَرتر دونده، جوری که خِدائه مَعبِدِ دِله نیشِنه و اِعلام کانده که شه خِدائه.

یوحنایِ مکاشفه 12:3

بعد یِتا دییه نشونه آسمونِ دِله ظاهر بَییه: هارِش یِتا گَتِ سِرخِ اژدِها که هَفتا کلّه و دَه تا شاخ داشته، و وه کلّه هائه سَر هفتا تاج دَییه.

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

یوحنایِ مکاشفه 13:11

بعد یِتا دییه وحشی جانور بَدیمه که زِمینِ جِم بیرون اِنه. دِتا شاخ وَرهِ واری داشته و اژدهائه واری گَب زوئه.

یوحنایِ مکاشفه 13:15

و وه ره اِجازه هِدا بَییه تا اون وحشی جانورِ مجسمهِ ره نَفَس هاده تا اون وَحشی جانورِ مجسمه بَتونه حَتّی گَب بَزِنه و باعث بَووه اونایی که وحشی جانورِ مجسمه ره پَرَسِش نکاردنه، بَکوشته بَووِن.

یوحنایِ مکاشفه 13:2

اون وحشی جانور که مِن بَدیمه پلِنگِ واری بییه، و اَشِ لیگا و شیرِ دِهونِ داشته. و اژدها شه قِدرَت و شه تَخت و یِتا گَتِ اِقتدارِ وحشی جانورِ هِدا.

یوحنایِ مکاشفه 17:14

وِشون وَرهِ هِمراه جَنگ کاندِنه، ولی اون وَره وِشونِ سَر پیروز بونه، چوون وه، خِداوندِ خِداوندون و پادشاهِ پادشاهون هَسه - و اونایی که وه هِمراه دَرِنه وه دَعوِت بَییه ها، و انتخاب بَییه ها و وه وِفادارونِنه.»

یوحنایِ مکاشفه 18:18

و هَمون مووقه که وه بَسوتِنِ دی ره بَدینه داد بَزونه و بااوتِنه: «کِدوم شَهر این گَتِ شَهرِ واری بییه؟»

یوحنایِ مکاشفه 9:20

بَقیه آدِمون، که این سه تا بِلائه جِم بَکوشته نَینه، نا شه دَسِ کارائه جِم تووبه هاکاردِنه و نا دِوهائه پَرَسِش هاکاردِنِ جِم و نا طِلایی و نِقره ای و برنجی و سنگی و چویی بِت هائه پَرَسِش هاکاردِنِ جِم که نا، توندِنه بَوینِن و نا، اِشنُنِنه و نا، راه شونِنه.