یوحنایِ مکاشفه 10:5 - کتاب مقدس به زبان مازندرانی - گویش شرقی

⁵ بعد اون فرشته که بَدی بیمه دریا و خشکیِ سَر اِیست هاکارده بییه، شه راسِ دَسِ آسمونِ سَمت بِلِند هاکارده

گیله ماز

⁵ ایما اون فِرشتِه که بدیِه بام دریا و خشکی یه سَر ایسَبا، خودشه راسِ دَسِ آسِمانِ سمت بُلَند هَکُردِه

کتاب مقدس به زبان مازندرانی - گویش غربی

⁵ اَزما هون فِرشتِه گه بَئی وِمِه دریا و خشکی ای سَر اِسّاوِه، شی راسِ دَسِ آسِمونی سمت بِلَن هاکِردِه

یوحنایِ مکاشفه 10:5 Cross References

اعمال رَسولان 14:15

«ای مَردِم، چه این طی کاندینی؟ اِما هم شِمه واری، آدِمِمی. اِما خَوِرِ خِشِ شِما ره دِمبی تا این بیخودی کارائه جِم دَس بَکِشین و زنده خِدا ره ایمون بیارین که آسِمون و زِمین و دریا و اونچی که اونائه دِله دَره ره خَلق هاکارده.

اعمال رَسولان 17:23

چوون وَختی که شَهرِ دِله گِردِسِمه و اونچی ره که شِما پَرِسش کاردینی ره بَدیمه، یِتا قِروونگاه پی دا هاکاردِمه که اونِ سَر بَنوِشته بَییه بییه: ”تَقدیم به خِدایی که هَمتی بِشناسی نَییه “. اِسا مِن اونچیِ که شِما اونِ نِشناسِنِنی و پَرَسِش کاندینی ره شِما ره اِعلام کامبه.

رومی ایشون 1:20

چوون خِدائه اون صِفات که نَوونه بَدیئِن یعنی وه اَبدی قِوَّت و ذاتِ الهی، از مووقه ای که دِنیا خَلق بَییه، اون چیایی دِله که بِسات بَییه، واضح بَدیه بونه، پَس وِشون، هیچ بهونه ای نِدارنِنه.

نامِه مَسیحینی عبرانی نِژادی سِه 6:13

اون مووقه که خِدا ابراهیمِ وَعده هِدا، چوون هیچکس وه جِم گَتتِر دَنی بییه که وه سَر قَسِم بَخُره، پَس شه سَر قَسِم بَخُرده

یوحنایِ مکاشفه 1:18

مِن که زِندِمه. بَمِردِمه و هارِش همیشهِ وِسه زندِمه و مَرگ و مِرده هائه دِنیائه کِلیت ها مِ دَس دَره.

یوحنایِ مکاشفه 10:2

یِتا کِچیک طومارِ واز هاکارده، شه دَسِ دِله داشته. اون فرشته شه راسِ لینگِ دریائه دِله و شه چپِ لینگِ خشکیِ سَر بییِشته.

یوحنایِ مکاشفه 14:7

و وه یِتا بِلِندِ صِدائه هِمراه بااوته: «خِدائه جِم بَتِرسین و وه ره جِلال هادین، چوون که وه داوِریِ ساعت بَرِسیه. وه ره پرسِش هاکانین. وه که آسِمون و زِمین و دریا و چشمه‌هائه اوه ره خَلق هاکارده.»

یوحنایِ مکاشفه 16:17

هَفتِمین فرشته شه پیاله ره هِوائه دِله دَپاشیه و یِتا بِلِندِ صِدا اون تخت و مَعبِدِ جِم بییَمو که: «تِموم بَییه!»

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»

یوحنایِ مکاشفه 4:9

هر وَخت که اون زنده مخلوقا، اون تخت‌نشینِ وِسه، اونی که تا اَبد و تا اَبد زنده ئه، جِلال و حِرمت و شُکر پیشکش کاندِنه،