فیلیپیان 4:6 - کتاب مقدس به زبان مازندرانی - گویش شرقی

⁶ هیچیِ وِسه دلواپس نَبوئین، بلکه هر چیِ دِله، دِعا و خواهش تَمِنّا و شِکر هاکاردِنِ هِمراه، شه خواسه ها ره خِدا ره بارین.

گیله ماز

⁶ هیچی یه وَسین دِلواپَس نَبین، بلکه هر چی یه دِلِه دُعا وخواهش و تمنا و شکر هَکُردَنِ هَمرَه، شیمی خواسِّه ها رِه خُدا رِه باگویید.

کتاب مقدس به زبان مازندرانی - گویش غربی

⁶ هیچی ای سِه دِلواپَس نَووئین، بَلگی هر چی ای دِلِه دِعا و خواهش تمنا و شِکر هاکِردنی هَمرا، شی خواسِّه هارِه خِدارِه بُئین.

فیلیپیان 4:6 Cross References

اِنجیلِ مَتّی 10:19

وَختی شِما ره دَسگیر کاندِنه، نِگِرون نَبوئین كه چی و چی طی بارین چوون اون مووقه اون چی وِنه بارین شِما ره هِدا بونه،

اِنجیلِ مَتّی 13:22

تیمی که لَم تَلیِ دِله دَکاشته بَییه، کسیِ که کِلامِ اِشنُنه، ولی چوون وه دِل دِنیا ره دَوِسه و وه چِش مال و مِنالِ دِمبال دَره، اینا کِلامِ خَفِه کاندِنه و بار نیارنه.

اِنجیلِ مَتّی 6:34

پَس، فِردا وِسه نِگِرون نَبوئین؛ چوون فِردا شه نِگِرونی ره دارنه، اَمروزِ مُشکلات، اَمروزِ وِسه وَسّه.

اِنجیلِ مَتّی 6:8

پَس وِشونِ واری نَبوئین چوون شِمه آسِمونی پییِر شِمه اِحتیاجِ، پیش از اون که وه جِم بَخواین دِنه.

لوقا 10:41

ولی عیسیِ خِداوند جِواب هِدا: «مارتا! مارتا! تِ خَله چیائه وِسه شه ره پَریشون و نِگرون کاندی،

لوقا 12:22

اون وَخت عیسی شه شاگِردونِ بااوته: «شِما ره گامبه، شه زندگیِ وِسه نِگَرون نَبوئین که چی بَخُرین، و نا شه تَنِ وِسه که چی دَپوشین.

لوقا 12:29

پَس اینِ دِمبالِ دَنی بوئین که چی بَخُرین یا چی دَپوشین؛ اینائه نِگَرون نَبوئین.

لوقا 18:1

عیسی شه شاگردونِ وسه مَثِلی بیارده تا وِشونِ سِراغ هاده که وِنه هَمِش دِعا هاکانِن و هیچ وَخت دلسرد نَووِن.

لوقا 18:7

اِسا، مگه خِدا شه انتخاب بَییه هائه داد که شو و روز وه پیشگاه اِلتماس کاندِنه، نَرِسِنه؟ این کارِ همین طی عَقِب دِم دِنه؟

اوّلین نامِه قُرنتیانی سِه 7:21

اون مووقه که دَعوِت بَئی، نوکِر بیئی؟ نَتِرس. ولی اگه توندی شه آزادی ره به‌دَس بیاری، فرصتِ از دَس نَده.

اوّلین نامِه قُرنتیانی سِه 7:32

مِ خواس اینِ که هر دِلواپسیِ جِم دور بوئین. اَذِبِ مَردی خِداوندِ کارائه وِسه دِلواپسِ، اینِ دِلواپسِ که چی طی خِداوندِ خِشال هاکانه؛

دوّمین نامه قرنتیانِ وَسین 1:11

شِما هم وِنه شه دعائه هِمراه اِما ره کُمِک هاکانین. تا خَیلیا اَمه خاطِری شِکر هاکانِن، اون برکتِ خاطِری که خَله آدِمونِ دِعائه جوابِ دِله اِما ره هِدا بَییه.

اِفِسُسیان 5:20

هَمِش خِدائه پییِرِ، اَمه خِداوند عیسی مَسیحِ اسمِ هِمراه، همه چیِ وِسه شِکر هاکانین.

اِفِسُسیان 6:18

و هَمش، هر جور دِعا و خواهشِ هِمراه، خِدائه روحِ دِله دِعا هاکانین و هَمینِ وِسه بیدار و هوشیار بوئین و هَمش پایداریِ هِمراه تِمومِ مِقَدَّسینِ وِسه دِعا هاکانین.

کولُسیان 3:15

مَسیحِ صِلح و سِلامتی شِمه دلهائه دِله حاکم بوئه، چوون که راس راسی یِتا تَنِ دِله دَعوِت بَینی. و شکرگزار بوئین.

کولُسیان 3:17

و هر کاری که کاندینی، چه بااوتِنِ دِله و چه رفتارِ دِله، همه ره خِداوندْ عیسیِ اسمِ هِمراه هاکانین، و وه طریق خِدائه پییِرِ شکر‌ هاکانین.

کولُسیان 4:2

هَمِش دِعائه دِله استوار بوئین و دِعائه دِله شِکر هاکاردِنِ هِمراه، شِمه حِواس جَمع بوئه.

اول تیموتائوس 2:1

پَس، قبل از هر چی، خوامبه که خواسه ها، دِعاها، شفاعتها و شِکر هاکاردِن ها تِمومِ مَردِمِ وِسه به‌جا بیارده بَووه،

اول تیموتائوس 5:5

اونی که راس راسی بیوه و بی‌کسِ، خِدا ره امید دارنه و شو و روز دِعائه دِله و خِدائه کُمِک بَییتِنِ جِم مشغولِ.

اول پِطرُس 4:7

همه چیِ آخِر، نزیکِ؛ پَس شه دِعاهائه خاطِری هوشیار بوئین و شه دَمِ بَیرین.

اول پِطرُس 5:7

تِمومِ شه دِلواپسی ها ره وه ره بِسپارین چوون وه شِمه فکر دَره.