فیلیپیان 4:5 - کتاب مقدس به زبان مازندرانی - گویش شرقی

⁵ بییِلین همه بَوینِن شِما با ملاحظه آدِمایی هَسینی. خِداوند نزیکِ.

گیله ماز

⁵ بَنین شِیمی مهربانی هَمِه وَسین معلوم هَبو، خُداوَند نَزیکِ.

کتاب مقدس به زبان مازندرانی - گویش غربی

⁵ بِلین هَمه بَوینِن شِما بامِلاحظه آدمِنی، خِداوَند نَزیکِ.

فیلیپیان 4:5 Cross References

اِنجیلِ مَتّی 6:25

«پَس شِما ره گامبه: شه زندِگیِ وِسه نِگرون نَبوئین، كه چی بَخُرین و چی بَنوشین و نا شه تَنِ وِسه كه چی دَپوشین، چوون زندِگی خِراکِ جِم و تَن، جِمِهِ جِم با اَرزِش تَرِه.

اِنجیلِ مَتّی 6:34

پَس، فِردا وِسه نِگِرون نَبوئین؛ چوون فِردا شه نِگِرونی ره دارنه، اَمروزِ مُشکلات، اَمروزِ وِسه وَسّه.

لوقا 21:34

«هوشیار بوئین، نَکِنه عیش و نوش و مَستی و زندگیِ نِگرونی، شِمه دِلِ سَخت هاکانه و اون روز یهویی تَله دَکِفین.

اوّلین نامِه قُرنتیانی سِه 16:22

لعنت به کِسی که خِداوندِ دوس نِدارنه. اَمه خِداوند، بِرو!

اوّلین نامِه قُرنتیانی سِه 6:7

اَصلاً شِمه میون این طی دَعوا مرافه هایی، شه، شِمه وِسه سَر شکستِگیِ. چه نِخوانِنی مَظلومِ آدِمونِ واری بَووین؟ چه حاضر نینی ضَرِر هاکانین؟

اوّلین نامِه قُرنتیانی سِه 8:13

اینِ وِسه، اگه خِراک مِ بِرارِ لغزشِ باعث بونه، هیچ وَخت گوشت نَخارمه تا وه لَغزشِ باعث نَووِم.

اوّلین نامِه قُرنتیانی سِه 9:25

هر کی مسابقهِ وِسه شونه، هر‌چیِ دِله، شه دَمِ گِرنه. وِشون این کارِ کاندِنه تا اون تاجی که از بین شونه ره به‌دَس بیارِن؛ ولی اِما این کارا ره کامبی تا اون تاجی که از بین نشونه ره به‌دَس بیاریم.

دوّمین نامه قرنتیانِ وَسین 10:1

مِن، پولُس شه، مَسیحِ نرمی و مهروونیِ هِمراه شِمه جِم خواهش کامبه- مِنی که شِمهِ جِم خَیلیا گانِنه وَختی شِمه پَلی دَرِمبه سَربِزیرِمه و اون مووقه که شِمه پَلی دَنیمه شجاعِمه!

دوّم تِسالونیکیان 2:2

هیچی شِمه فِکرِ خِراب نَکِنه و پریشون نَووین، چه یِتا روح، چه یِتا گَبِ طریق، چه یِتا نامه که اِنگاری اَمه جِم بوئه، که گانه: خِداوندِ بردَگِردِسِن روز بَرِسیه.

تیتوس 3:2

هیچ کسِ بَد نارِن، دَعوا نَکِنِن و آرووم بوئن و تِمومِ مَردِمِ هِمراه اَدِبِ هِمراه رِفتار هاکانِن.

نامِه مَسیحینی عبرانی نِژادی سِه 10:25

جَمع بیِّنِ جِم هَمدییهِ هِمراه دَس نَکِشیم، هَمون طی که بَعضیائه وِسه عادِت بَییه، بلکه ویشتِر هَمدییه ره تَشویق هاکانیم - بخصوص اَلان که ویندِنی اون روز، یعنی خِداوند عیسیِ بَردَگِردِسِنِ روز، همین طی دَره نزیک بونه.

نامِه مَسیحینی عبرانی نِژادی سِه 10:37

چوون «یه مدِّت دییه، وه که قِرارِ بِیّه، اِنه و دیر نَکانده.

اول پِطرُس 1:11

وِشون تَقِلّا کاردِنه بِفَهمِن مووقه ای که مَسیحِ روح، وِشونِ دِله، مَسیحِ رَنج ها و جِلال هایی جِم که بعد از اون اِنه، پیشگویی هاکارده، کیِ و چه مووقه ره نِشون دائه.

اول پِطرُس 4:7

همه چیِ آخِر، نزیکِ؛ پَس شه دِعاهائه خاطِری هوشیار بوئین و شه دَمِ بَیرین.

یوحنایِ مکاشفه 22:20

اونی که این چیائه وِسه شِهادت دِنه، گانه: «حتماً، خَله زود اِمبه.» آمین. بِرو، ای خِداوندْ عیسی!

یوحنایِ مکاشفه 22:7

«و هارِش، مِن خَله زود اِمبه! خِش به حال کِسی که این کتابِ نبِوَّتِ کِلامِ داره.»