فیلیپیان 4:15 - کتاب مقدس به زبان مازندرانی - گویش شرقی

¹⁵ ای فیلیپیِ آدِمون، شِما هم خوار دوندِنی که انجیلِ کارِ شِروعِ جِم، بعد از اون که مقدونیهِ مَنطقهِ جِم بوردِمه، اِلّا شِما، هیچ کلیسایی، دخلِ خرج دِله مِ هِمراه شَریک نَییه.

گیله ماز

¹⁵ اِی فیلیپی یه آدمان، شما خوب دانید اون موقه که تازه اِنجیلِ ایمان بیاردِه بِین، بعد اَز اونکه مقدونیه یه منطقه یه جی بَشَم، هیچ کلیسایی اِلّا شُما دَخل و خرجِ دِلِه می هَمره شریک نَبا.

کتاب مقدس به زبان مازندرانی - گویش غربی

¹⁵ اِی فیلیپی ای آدمِن، شِما هَم، خِب دِنِّنی گه اِنجیلی کاری شِروئی جا، بعد از اونگه مقدونیه ای مَنطقِه ای جا بوردِمِه، اِلّا شِما، هیچ کلیسایی دَخل و خرجی دِلِه می هَمرا شریک نَوِه.

فیلیپیان 4:15 Cross References

اعمال رَسولان 16:40

وِشون بعد از این که زِندونِ جِم بیرون بوردِنه، لیدیهِ سِره بُوردِنه. اونجه، بِرارونِ بَدینه و وِشونِ تَشویق هاکاردِنه. بعد اونجه جِم بوردِنه.

رومی ایشون 15:26

چوون مقدونیه و اَخائیهِ کِلیساها خوانِنه، اورشَلیمِ مِقَدِّسینِ فقیرونِ وِسه کُمِکِ مالی جَمع هاکانِن.

فیلیپیان 1:12

اِی بِرارون، خوامبه بَدونین اونچی که مِ سَر بییَمو، در اَصل اِنجیلِ ترقی باعث بَیّه،

فیلیپیان 1:16

اون دِوّمی دَسه، مِحبِّتِ جِم این طی کاندِنه، چوون دوندِنه که، انجیلِ دِفاع هاکاردِنِ وِسه مِ ره اینجه بییِشتِنه.

فیلیپیان 1:5

اون همکاریِ وِسه که مَسیحِ انجیلِ کارِ دِله، اَوِّلین روزِ جِم تا اَمروز، شَریک بینی.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیپیان 2:12

پَس اِی عزیزون، هَمون‌طی که هَمش مطیع بینی، اَلان نا فِقَط مِ پَلی، بلکه خَله ویشتِر وَختی من دَنیمه، شه نِجاتِ وِسه وِنه تَرس و لرزِ هِمراه عَمِل هاکانین؛