فیلیپیان 3:7 - کتاب مقدس به زبان مازندرانی - گویش شرقی

⁷ ولی هر چی که مِ وِسه نفع داشتِ، اونِ مَسیحِ خاطِری ضرر دونِسِمه.

گیله ماز

⁷ وَلی هر چی که می نَفع با رِه، اونِه مَسیحِ خاطِری ضرر بِشمارِسَّم.

کتاب مقدس به زبان مازندرانی - گویش غربی

⁷ ولی هر چی گه میسِه نَفع داشتِه، اونِه مَسیحی خاطری ضرر دِنِسِمِه

فیلیپیان 3:7 Cross References

اِنجیلِ مَتّی 16:26

آدِمِ وِسه چه نَفعی دارنه که تِمومِ دِنیا ره داره، ولی شه جانِ اَز دَس هاده؟ چوون وه دییه به هیچ قِیمَتی نَتونده شه جانِ پَس بَیره.

مَرقُس 10:50

بارتیمائوس شه قَوا ره یِتا گوشه دِم هدا، بَپِرِسه و عیسی پَلی بییَمو.

لوقا 14:26

«هر‌ کی مِ پَلی بِیّه و شه پییِر مار، زِنا و وَچه، بِرار و خواخِر و حَتَّی شه جانِ جِم نَفرِت نِداره، نَتونده مِ شاگرد بوئه.

لوقا 14:33

همین طی، هیچ‌ کِدوم از شِما هم اگه تِموم چیایی جِم که دارنه دَس نَکِشه، نَتونده مِ شاگرد بوئه.

لوقا 16:8

اَرباب، شه حِقّه بازِ مِواشرِ جِم تَعریف هاکارده، چوون عاقلانه رِفتار هاکارده بییه؛ چوون این دِنیائه وَچون شه هم دوره هائه هِمراه شه رِفتار و کِردارِ دِله، نورِ وَچونِ جِم عاقلتَرِنه.

اعمال رَسولان 27:38

وِشون بعد از اینکه غِذا بَخُردِنه، بَقیهِ غَله ره دریائه دِله دَشِندینه و کَشتی ره سَبِک هاکاردِنه.

نامِه مَسیحینی عبرانی نِژادی سِه 11:26

و اون سرکوفت که مَسیحِ خاطِری بییه ره یِتا گنج، مصرِ گنجهائه جِم گتتِر بِشمارِسه، چوون وه اون پاداشِ دِمبال دَییه.