فیلیپیان 2:30 - کتاب مقدس به زبان مازندرانی - گویش شرقی

³⁰ چوون که وه مَسیحِ کارِ وِسه دَییه مِردهِ و شه جانِ خَطِر دِم هِدا تا شِمه خِدمِتِ کم و کاستی مِ ره جبران بَووه.

گیله ماز

³⁰ چونکه اون، مَسیحِ کارِ وَسین دَبا بَمیره، و شِیمی خِدمتِ کَم و کاسّی یه جُبرانِ وَسین می خاطِری، خودشه جان خطر میَن توُوادَه.

کتاب مقدس به زبان مازندرانی - گویش غربی

³⁰ چونگه وی، مَسیحی کاری سِه دِ مِردِه، و شی جانِ خطر اِنگِتِه تا شِمِه خِدمتی کم و کَسری مِنِه جِبران بَوو.

فیلیپیان 2:30 Cross References

اعمال رَسولان 20:24

ولی مِن، هم جانِ و هم زندگی ره شه وسه بی‌ارزش دومبه، فِقَط اگه بَتونِم شه دوره ره تِموم هاکانِم و خِدمِتیِ که عیسیِ خِداوندِ جِم بَییتِمه ره سَراِنجام بَرِسونِم و خِدائه فیضِ خَوِرِ خِشِ شِهادت هادِم.

رومی ایشون 16:4

وِشون شه جانِ مِ خاطِری خَطِرِ دِله دِم هِدانه، و نا فِقَط مِن، بلکه تِمومِ غیرِ یَهودیونِ کلیساها وِشونِ جِم ممنون دارِنه.

اوّلین نامِه قُرنتیانی سِه 15:53

چوون این تَن که از بین شونه وِنه اون تَنی که از بین نَشونه ره دَپوشه و این تَنی که فانیِ وِنه اون تَنی که فانی نییه ره دَپوشه.

اوّلین نامِه قُرنتیانی سِه 16:10

وَختی تیموتائوس بییَمو، وه هِمراه جوری رِفتار هاکانین که شِمه پَلی هیچیِ نگرونی ره نِداره. چوون وه هم مِ واری خِداوندِ کارِ کانده؛

اوّلین نامِه قُرنتیانی سِه 16:17

اِستِفاناس، فورتوناتوس و اَخائیکوسِ بییَموئَنِ جِم خِشالِمه، چوون شِمه جای خالی ره پِر هاکاردِنه.

دوّمین نامه قرنتیانِ وَسین 12:15

مِن خِشالیِ هِمراه شِمه جانهائه وِسه خرج کامبه و حَتَّی شه جانِ هم اییِلمه. اگه مِن شِما ره ویشتر دوس دارمه، مگه وِنه شِما مِ ره کمتِر دوس دارین؟

دوّمین نامه قرنتیانِ وَسین 4:12

پَس مَرگ اَمه دِله کار کانده، ولی زندگی شِمه دِله.

فیلیپیان 2:17

حَتّی اگه لازم بَووه که مِ خون یِتا‌ پیشکشِ واری، شِمه ایمونِ قِروونیِ وِسه دَشِندی بَووه، ذوق دارمه و شِما هَمهِ هِمراه خِشالی کامبه.

فیلیپیان 2:27

راس راسی که ناخِش بییه و دَییه مِرده. ولی خِدا وه ره رَحم هاکارده، و نا فِقَط وه ره، بلکه مِ ره هم رَحم هاکارده، تا یِتا غُصّه، مِ غُصّه هائه سَر زیاد نَووه.

فیلیپیان 4:10

خِداوندِ دِله خَله خِشالِمه که اِسا اَت کَش دییه مِ وِسه دِلواپس بَینی. راس راسی شِما مِ فکر دَینی، ولی فرصت نِداشتینی.

فیلیپیان 4:18

شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.

فیلیمون 1:13

مِن خِشال بونِسِمه که وه ره شه پَلی داشتِمه تا این مِدّتِ دِله که انجیلِ خاطِری زِندونِ دِله دَرِمبه، وه تِ عَوِض مِ ره خِدمِت هاکانه.

یوحنایِ مکاشفه 12:11

و وِشون، وَرهِ خونِ هِمراه و شه شِهادتِ کِلامِ هِمراه وه سَر حریف بَینه. چوون که وِشون شه جانِ دوس نِداشتِنه، حَتّی تا مَرگِ مووقه.