فیلیپیان 1:5 - کتاب مقدس به زبان مازندرانی - گویش شرقی

⁵ اون همکاریِ وِسه که مَسیحِ انجیلِ کارِ دِله، اَوِّلین روزِ جِم تا اَمروز، شَریک بینی.

گیله ماز

⁵ چون از اوَّلین روز تا اِمروز، مسیحِ اِنجیلِ کارِ دِلِه شریک بِین.

کتاب مقدس به زبان مازندرانی - گویش غربی

⁵ هون همکاری ای سِه گه مسیحی اِنجیلی کاری دِلِه، از اوَّلین روز تا اَمرِز، شریک وِنی.

فیلیپیان 1:5 Cross References

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

رومی ایشون 11:17

و اگه چِله هائه جِم بَعضیا بَوری بَینه و تِ که وَحشیِ زیتونِ چِله بیئی، زیتونِ دارِ دییه چِله هائه کَش پیوند بَخُردی و اَلان، وه بِنه ئه مِقوّیِ شیرهِ جِم خوارنی،

رومی ایشون 12:13

مِقدّسینِ احتیاجاتِ برطَرِف هاکاردِنِ دِله شَریک بَووین و مهمون‌نِواز بوئین.

رومی ایشون 15:26

چوون مقدونیه و اَخائیهِ کِلیساها خوانِنه، اورشَلیمِ مِقَدِّسینِ فقیرونِ وِسه کُمِکِ مالی جَمع هاکانِن.

اوّلین نامِه قُرنتیانی سِه 1:9

خِدا وِفادارِ، اون خِدایی که شِما ره شه ریکا، اَمه خِداوند عیسی مَسیحِ رِفاقتِ وِسه دَعوِت هاکارده.

دوّمین نامه قرنتیانِ وَسین 8:1

ای بِرارون، خوامبی شِما ره اون فیضی جِم که خِدا مقدونیهِ مَنطقهِ کلیساها ره هِدا، باخَوِر هاکانیم.

اِفِسُسیان 3:6

اون راز اینِ که غیرِیَهودیونم مَسیحْ عیسیِ دِله، اِنجیلِ طریق هم اِرثِنه و هَمون تَنِ اعضانه و خِدائه وعدهِ دِله شریکِنه.

فیلیپیان 1:12

اِی بِرارون، خوامبه بَدونین اونچی که مِ سَر بییَمو، در اَصل اِنجیلِ ترقی باعث بَیّه،

فیلیپیان 1:16

اون دِوّمی دَسه، مِحبِّتِ جِم این طی کاندِنه، چوون دوندِنه که، انجیلِ دِفاع هاکاردِنِ وِسه مِ ره اینجه بییِشتِنه.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیپیان 2:12

پَس اِی عزیزون، هَمون‌طی که هَمش مطیع بینی، اَلان نا فِقَط مِ پَلی، بلکه خَله ویشتِر وَختی من دَنیمه، شه نِجاتِ وِسه وِنه تَرس و لرزِ هِمراه عَمِل هاکانین؛

فیلیپیان 2:22

ولی شِما دوندِنی که تیموتائوس شه آزمودِ پَس هِدا که چی طی مِ هِمراه، یِتا ریکائه واری، شه پییِرِ هِمراه، اِنجیلِ کارِ دِله خِدمِت هاکارده.

فیلیپیان 4:3

اَره، وِفادارِ همکار تِ جِم هم خوامبه که این دِتا زِنا ره کُمِک هاکانی، چوون وِشون اَکْلیمِنتُس و بَقیه همکارونِ هِمراه که وِشون اسم، حیاتِ دفترِ دِله بَنوِشته بَییه، مِ دوشادوش اِنجیلِ کارِ وِسه زَحمِت بَکِشینه.

فیلیمون 1:17

پَس اگه مِ ره شه رَفِق دوندی، وه ره هَمون‌ طی قبول هاکان که مِ ره قبول هاکاردی.

نامِه مَسیحینی عبرانی نِژادی سِه 3:14

چوون اِما مَسیحِ دِله شَریک بَیمی، اگه راس راسی اطمینانی ره که از اَوِّل داشتمی ره تا آخِر قایم داریم.

پطرسی دِوّمین نامِه 1:1

شَمعونِ پِطرُسِ طَرِف جِم، عیسی مَسیحِ نوکِر و رَسول، کِسایی که خِدائه عِدالَتِ طریق و اَمه نجات‌دهنده عیسی مَسیح، ایمونی اَمه ایمونِ واری، وِشونِ نَصیب بَییه:

اوّل یوحنا 1:3

اون کِلام که اِما بَدیمی و بِشنُسیمی ره شِما ره اِعلام کامبی تا شِما هم اَمه هِمراه رِفاقت دارین؛ حییقَتاً هم که اَمه رفاقت پییِرِ هِمرا و وه ریکا عیسی مَسیحِ هِمرائه.

اوّل یوحنا 1:7

ولی اگه نورِ دِله زندگی هاکانیم، هَمون طی که وه نورِ دِله دَره، هَمدییهِ هِمراه رفاقت دارمی و وه ریکا عیسیِ خون، اِما ره تِمومِ گِناهونِ جِم پاک کانده.