فیلیپیان 1:4 - کتاب مقدس به زبان مازندرانی - گویش شرقی

⁴ و تِمومِ شه دِعاهائه دِله، هَمش، شِما همهِ وِسه خِشالیِ هِمراه دِعا کامبه،

گیله ماز

⁴ وَ تمام می دُعاهای دِلِه هَمَش، شُما همه یه وَسین خُشحالی یه هَمرَه دُعا کانَم،

کتاب مقدس به زبان مازندرانی - گویش غربی

⁴ دِشتِه شی دِعاهایی دِلِه هَمِش، شِما هَمه ای سِه خِشالی ای هَمرا دِعا کِمِّه،

فیلیپیان 1:4 Cross References

مَرقُس 5:5

شو و روز قبرسونِ دِله و تپه‌هائه سَر داد کَشیه و سَنگِ هِمراه شه ره زَخمِ زیلی کارده.

لوقا 15:10

شِما ره گامبه، همین طی، یِتا گِناهکارِ توبه هاکاردِنِ وِسه، خِدائه فرشته هائه پَلی شادی بر پا بونه.»

لوقا 15:7

شِما ره گامبه، همین طی، یِتا گِناهکارِ وِسه که توبه کانده، آسمونِ دِله جَشن و شادیِ گَتتِری بر پا بونه تا اون نَود و نه تا دِرِسکارِ وِسه که نیاز به توبه نِدارنِنه.

رومی ایشون 1:9

چوون خِدایی که وه ره تِمومِ شه دِل و جانِ هِمراه وه ریکائه انجیلِ کارِ دِله دَره خِدمِت کامبه، مِ وِسه گِواهی دِنه که چی طی یه سِره شه دِعاهائه دِله شِما ره یاد یارمبه

فیلیپیان 2:2

هم فکر بوئِنِ هِمراه و این مِحبِّتِ هِمراه، یک دِلی و هم نَظِر بوئِنِ هِمراه، مِ خِشالی ره کامل هاکانین.

فیلیپیان 3:18

چوون که مِن وِشونِ خَوِری چَن کَش شِما ره بااوتِمه و حَتَّی اَلان هم شه اَسریِ هِمراه گامبه، خَیلیا مَسیحِ صلیبِ دِشمِنون واری رِفتار کاندِنه.

فیلیپیان 4:1

پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

کولُسیان 2:5

چوون هرچَن جسماً شِمه پَلی دَنیمه ولی روحِ دِله شِمه هِمراه دَرِمبه، و شِمه منظم و قرصِ ایمون که مَسیحِ دارنِنی ره، ویمبه، خِشالِمه.

اوّل تِسالونیکیان 1:2

اِما، خِدا ره هَمِش شِمه خاطِری شِکر کامبی و شه دعاهائه دِله یه سَرِ شِمه جِم یاد کامبی،

فیلیمون 1:7

اِی بِرار، تِ مِحبّتِ جِم خَله خِشال بَیمه و تسلّی بَیتِمه، چوون مِقدَّسینِ دِل تِ خاطِری اَی هم جان بَییته.

دوم یوحنا 1:4

مِن خَله خِشال بَیمه که بِفَهمِسِمه تِ وَچونِ جِم بعضیا طبقِ هَمون حِکمی که پییِرِ جِم بَییتیمی، ’حَییقَتِ‘ دِله زندگی کاندِنه.