اِفِسُسیان 5:4 - کتاب مقدس به زبان مازندرانی - گویش شرقی

⁴ بَدِ گَب و بیخودِ گَب و رَکیکِ گَب شِمه میون دَنی بوئه که شِمه لایق نییه؛ وِنه اونِ عَوِض، شِکر هاکانین.

گیله ماز

⁴ بَدِ گَب و بیخُدی گَب و رکیکِ گَب شیمی میَن دَنِبو که شیمی لایق نیِه، بایِسّی اونِ عوض شُکر هَکُنین.

کتاب مقدس به زبان مازندرانی - گویش غربی

⁴ بَدِ گَب و بیخِدی گَب و رَکیکِ گَب شِمِه میِن دَنیوو گه شِمِه لایق نیِه، وِنِه اونی عوض شِکر هاکِنین.

اِفِسُسیان 5:4 Cross References

مَرقُس 7:22

طِمَع، شِرارَت، حیله، هرزگی، حَسودی، تِهمَت، غرور و نِفَهمی بیرون اِنه.

اِنجیلِ یوحنا 6:23

بعد چَن تا لَتکائه دییه تیبِریهِ جِم بییَمونِنه و نزیک جایی بَرِسینه که وِشون بعد از اینکه عیسی، شکر هاکارده بییه، نون بَخُرده بینه.

رومی ایشون 1:28

از اونجه که خِدائه بِشناسییَن، وِشونِ وِسه ارزشی نِداشته، خِدا هم وِشونِ، بَد بَدِ فکرهائه دِله وِل هاکارده تا اون کاری که نَووِسه هاکانِنِ انجام هادِن.

دوّمین نامه قرنتیانِ وَسین 1:11

شِما هم وِنه شه دعائه هِمراه اِما ره کُمِک هاکانین. تا خَیلیا اَمه خاطِری شِکر هاکانِن، اون برکتِ خاطِری که خَله آدِمونِ دِعائه جوابِ دِله اِما ره هِدا بَییه.

دوّمین نامه قرنتیانِ وَسین 9:15

خِداوندِ اون هدیهِ خاطِری که قابلِ بااوتِن نییه شکر کامبه!

اِفِسُسیان 1:16

شِمه شِکر هاکاردِنِ جِم دَس نَکِشیمه، شِما ره هَمش شه دعاهائه دِله یاد یارمه

اِفِسُسیان 4:29

شِمه دِهون بَدِ گَبِ وِسه واز نَووه، بلکه تِمومِ شِمه گَب ها بقیهِ بَنائه وِسه کار هاکانه و اِحتیاجی ره برآورده هاکانه، و اوناییِ که اِشنُنِنه ره فِیض بَرِسونه.

فیلیپیان 4:6

هیچیِ وِسه دلواپس نَبوئین، بلکه هر چیِ دِله، دِعا و خواهش تَمِنّا و شِکر هاکاردِنِ هِمراه، شه خواسه ها ره خِدا ره بارین.

کولُسیان 3:8

ولی اِسا وِنه تِمومِ اینا ره کِنار بییِلین، یعنی غیظ، غَضِب، بدخواهی، تِهمَت و بَدبَدِگَبا که شِمه دِهونِ جِم بیرون اِنه.

اوّل تِسالونیکیان 3:9

چوون این همه خِشالی ای که شِمه خاطِری اَمه خِداوندِ حِضور اَمه نَصیب بَییه، چی طی تومبی خِدا ره شِکر هاکانیم؟

اوّل تِسالونیکیان 5:18

هر وضعِ دِله شِکر هاکانین، چوون خِدائه خواسه مَسیحْ عیسیِ دِله، شِمه وِسه اینِ.

فیلیمون 1:8

اینِ وِسه، هَرچَن مَسیحِ دِله این جِرأت دارمه که تِ ره حِکم هاکانِم، اونچی که لازمِ ره هاکانی.

نامِه مَسیحینی عبرانی نِژادی سِه 13:15

پَس بِئین عیسیِ طریق همین طی یَک سَرِ شِکر هاکاردِنِ قِروونی ره خِدائه وِسه پیشکش هاکانیم. این قِروونی اون تِک هائه ثَمَرِئه که وه اسمِ اِعتراف کاندِنه.

پطرسی دِوّمین نامِه 2:18

چوون بِلِندِ صِدائه هِمراه گَب هایی زَندِنه که غرور و نِفَهمیِ جِم پِرِ، کِسایی که سختیِ هِمراه بَدِ آدِمونِ چنگِ جِم دَر بوردِنه ره، شه هِوا و هوسِ تَلهِ دِله دِم دِنِنه.

پطرسی دِوّمین نامِه 2:7

و اگه لوطِ که صالح بییه و شَریرِ آدِمونِ هرزگیِ جِم سِتوه بَییَمو بییه ره نِجات هِدا-

یهودائه نامه 1:10

ولی وِشون اونچی که نِشناسِنه ره توهین کاندِنه، وِشون بی شعورِ حیوونونِ وارینه که هر اونچی که غریزهِ جِم فَهمِنِنه، هَمون وِشونِ نابودیِ باعث بونه.

یهودائه نامه 1:13

وِشون دریائه پِرتلاطِمِ موجِ وارینه که وِشونِ بَدِ اعمال، دریائه کفِ واری بیرون زَنده و سَرگردونِ ستاره هایی وارینه که اَبدی ظِلِماد، وِشونِ وِسه تعیین بَییه.