اِفِسُسیان 3:2 - کتاب مقدس به زبان مازندرانی - گویش شرقی

² و بی شک شِما این جَریانِ خَوِری بِشنُسینی که خِدائه فیضِ نِظارت شِمه خِدمِت وِسه مِ ره هِدا بَییه.

گیله ماز

² بی شک شُما این جریانِ بارِه که خُدای فیضِ نظارت شیمی خدمتِ وَسین مَرِه هَده هَبا بِشنَوِسّین،

کتاب مقدس به زبان مازندرانی - گویش غربی

² بی شک شِما هَین جریانی خَوَری بِشنُسنی گه خِدایی فیضی نظارت شِمِه خدمتی سِه مِنِه هادا بَوِه،

اِفِسُسیان 3:2 Cross References

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

اعمال رَسولان 22:21

خِداوند مِ ره بااوته: ”بور؛ چوون مِن تِ ره دورِ دورِ جاها، غیرِ یَهودیونِ پَلی فِرِسِندِمبه»

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

رومی ایشون 1:5

خِدا مَسیحِ طریق، اِما ره فِیض هِدا تا وه رسولون بوئیم و تِموم قوم ها ره راهنِمایی هاکانیم که مَسیحِ اسمِ ایمون بیارِن و وه جِم اِطاعت هاکانِن.

رومی ایشون 11:13

اِسا، شِما غیر یَهودیونِ هِمراه گَب زَمبه. از اونجه که مِن غیر یَهودیونِ رَسولِمه، شه خِدمِت سَر خَله اِفتخار کامبه،

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

اوّلین نامِه قُرنتیانی سِه 4:1

هر کی وِنه اِما ره مَسیحِ خادمون و مِواشِرونِ دید هارِشه که خِدائه رازها وِشونِ اَمانت بِسپارِسه بَییه.

غَلاطیان 1:13

چوون که شِما مِ قدیمی زندگیِ تعریفِ اون مووقه که یهودی بیمه بِشنُسینی، که چی طی خِدائه کلیسا ره آزار اذیّت کاردِمه و تَقِلّا کاردِمه اونِ نابود هاکانِم.

اِفِسُسیان 1:10

خِدائه نَخشه این بییه تا هَمون طی که وه وَخت بَرِسه، همه چی ره چه آسمونِ دِله و چه زِمینِ سَر، هَمدییه هِمراه مَسیحِ دِله جَمع هاکانه.

اِفِسُسیان 3:7

مِن طِبقِ خِدائه فیضِ هَدیه، این اِنجیلِ خادم بَیمه که وه قِدرَتِ عملِ طَریق مِ ره هِدا بَییه.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

اِفِسُسیان 3:9

و همه ره سِراغ هادِم که خِدائه نخشه چی طی اِنجام بونه. خِدا که همه چی ره خَلق هاکارده، شه این رازِ از قدیم جا هِدا داشته.

اِفِسُسیان 4:21

البته اگه گمون هاکانیم که شِما وه خَوِری بِشنُسینی و طِبق اون حَییقت که عیسیِ دِله دَره، تَعلیم بَییتینی.

اِفِسُسیان 4:7

ولی هر کِدوم از اِما ره مَسیحِ بخششِ اِندا، فِیض هِدا بَییه.

کولُسیان 1:4

چوون اِما شِمه ایمونِ خَوِری، مَسیحْ عیسیِ دِله و مِحبّتی که تِمومِ مِقدّسینِ دارنِنی ره بِشنُسیمی،

کولُسیان 1:6

اِنجیلی که شِما ره بَرِسیه و هَمون طی که تِمومِ دِنیائه دِله هم بَرِسیه ثَمِر یارنه و زیاد بونه، جوری که شِمه میون هم، اون روزِ جِم که اونِ بِشنُسینی و خِدائه فیضِ حَییقَتِ دِله بِفَهمِسِنی، کار هاکارده.

اول تیموتائوس 1:11

اون تعلیمی که مِوارکِ خِدائه پر جِلالِ اِنجیلِ مطابقِ، که مِ ره بِسپارِسه بَییه.

اول تیموتائوس 1:4

و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

دوم تیموتائوس 1:11

که مِن اونِ وِسه انتخاب بَیمه تا این انجیلِ رسول و مَلِّم بووِم و موعظه هاکانِم.