دوم تیموتائوس 2:23 - کتاب مقدس به زبان مازندرانی - گویش شرقی

²³ اون بحث هایی که نادونی و نِفَهمیِ جِم هَسه دوری هاکان، چوون دوندی که دَعوا مرافهِ باعث بونه.

گیله ماز

²³ اون بَحثایی که نادانی و نِفهمی یه جی هیسه دوری هَکُن، چون دانی که دعوا مرافِه یه باعِث بونه.

کتاب مقدس به زبان مازندرانی - گویش غربی

²³ هون بحثایی گه نادونی و نِفهمی ای جا هَسِّه دوری هاکِن، چون دِنّی گه دعوا مرافِه ای باعِث وونِه.

دوم تیموتائوس 2:23 Cross References

اول تیموتائوس 1:4

و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 4:7

داستان هائه جِم که کفر آمیز و پوچِ شه ره دور دار، بلکه شه ره دینداریِ وِسه تربیت هاکان.

دوم تیموتائوس 2:14

اینا چیا ره وِشونِ یاد بیار و خِدائه پیش وِشونِ سفارش هاکان که کَلِماتِ سَر دَعوا مرافه نَکِنِن، که فایده نِدارنه بلکه فِقَط باعث بونه اونایی که اِشنُنِنه، از راه به دَر بَووِن.

دوم تیموتائوس 2:16

ولی دِنیائه مِفت گَب هائه جِم دوری هاکان، چوون مَردِمِ ویشتر و ویشتر بی‌دینیِ سَمت کَشِنِنه.

تیتوس 3:9

ولی جَنگ و جِدال که نادونیِ جِم هَسه، شجره‌نامه‌ها و اِختلافات و دَعوا مرافه هایی که شَریعتِ خَوِریِ، دوری هاکان، چوون اینا بی‌فایده و بی‌ارزشِنه.

یعقوبِ نامه 4:1

چی باعث بونه شِمه میون دَعوا دَکِفه و چی باعث بونه شِمه میون جَنگ و جِدال دَکِفه؟ مگه شِمه هِوا و هَوِسِ وِسه نییه که شِمه وجودِ دِله دره جَنگِنِنه؟