دوم تیموتائوس 2:11 - کتاب مقدس به زبان مازندرانی - گویش شرقی

¹¹ ونه این گَبِ کاملاً اِطمینان هاکارد که: اگه وه هِمراه بَمِردیمی، وه هِمراه زندگی هم کامبی.

گیله ماز

¹¹ این گَبِ شَئنِه اعتماد هَکوردَن که: اَگِه اونه هَمرَه بَمِردِیم، اونه هَمرَه زندگی هم کانیم

کتاب مقدس به زبان مازندرانی - گویش غربی

¹¹ وونِه هَین گَبِ کامِلاً اطمینان هاکِردَن گه: اگه وی هَمرا بَمِردِمی، وی هَمرا زندگی هَم کِمّی

دوم تیموتائوس 2:11 Cross References

اِنجیلِ یوحنا 14:19

بَعدِ از مدتی دییه دِنیا مِ ره نَوینده، ولی شِما ویندِنی، چوون مِن زِندِمه، شِما هم زِندِگی کاندینی.

رومی ایشون 6:5

پَس اگه مَرگِ دِله که وه مَرگِ واریِ، وه هِمراه یِتا بَیمی، حتماً زنده بَیِّن دِله هم وه زنده بَیِّنِ واری، وه هِمراه یِتا بومبی.

رومی ایشون 6:8

اِسا اگه مَسیحِ هِمراه بَمِردیمی، ایمون دارمی که وه هِمراه زندگی هم کامبی.

دوّمین نامه قرنتیانِ وَسین 13:4

چوون هر چَن ضَعفِ دِله مَصلوب بَییه، ولی خِدائه قِوَّتِ هِمراه زندگی کانده. چوون اِما هم وه دِله ضعیفیمی، ولی شِمه پَلی وه هِمراه خِدائه قِوَّتِ هِمراه زندگی کامبی.

دوّمین نامه قرنتیانِ وَسین 4:10

هَمِش عیسیِ مَرگِ شه تَنِ دِله دَره وَرمی تا عیسیِ زندگی هم اَمه تَنِ دِله ظاهر بَووه.

اوّل تِسالونیکیان 4:17

بعد، اِما که زِندِمی و به جا بَمونِسیمی، وِشونِ هِمراه اَبرهائه دِله بالا بَوِرده بومبی تا خِداوندِ هوائه دِله بَوینیم، و این طی هَمِش خِداوندِ هِمراه دَرِمبی.

اوّل تِسالونیکیان 5:10

وه که اَمه وِسه بَمِرده، تا چه بیدار بوئیم و چه بَخواته، وه هِمراه زندگی هاکانیم.

اول تیموتائوس 1:15

این گَب قابل اِعتماد و هر طَرِفِ جِم قابلِ قبولِ، که مَسیحْ عیسی این دِنیائه دِله بییَمو تا گناهکارونِ نِجات هاده، که وِشونِ دِله ئه گَتتِرین مِنِمه.

اول تیموتائوس 3:1

این گَبِ بونه اِعتماد هاکاردِن: که اگه یه نَفِر آرزو داره که کلیسائه نظارتِ کارِ داره، خوارِ کارِ دِمبال دَره.

تیتوس 3:8

این گَبِ بونه اِعتماد هاکارد. و تِ جِم خوامبه که این چیائه سَر اصرار داری، تا اونایی که خِدا ره ایمون بیاردِنهِ حِواس دَووه که شه ره خوارِ کارائه وِسه وَقف هاکانِن، این چیا مَردِمِ وِسه خوارِ و فایده دارنه.