پطرسی دِوّمین نامِه 2:6 - کتاب مقدس به زبان مازندرانی - گویش شرقی

⁶ اگه سُدوم و عَمورَهِ شهرا ره کِلین هاکارده و نابودیِ وِسه مَحکوم هاکارده تا بی دینیِ آخِرعاقِبتِ وِسه، دَرِسِ عبرتی بوئه،

گیله ماز

⁶ اَگِه سُدوم و عَمورَه یه شهران رِه کُلُم هَکُردِه و نابودی یه وَسین محکوم هَکُردِه تا بی دینی یه آخرعاقبتِ وَسین درسِ عبرتی هَبو،

کتاب مقدس به زبان مازندرانی - گویش غربی

⁶ اگه سُدوم و عَمورَه ای شهرارِه کِلین هاکِردِه و نابودی ای سِه محکوم هاکِردِه تا بی دینی ای آخر عاقبتی سِه درسِ عبرتی ووئه،

پطرسی دِوّمین نامِه 2:6 Cross References

اِنجیلِ مَتّی 10:15

حَییقتاً شِما ره گامبه قیامِتِ روز، سُدوم و غُمورَّهِ شَهرِ وَضع که خِدا، تَشِ هِمراه اونا ره از بین بَوِرده اون شَهرِ جِم خوارتِرِ.

اِنجیلِ مَتّی 11:23

ولی تِ اِی كَفَرناحومِ شَهر فکر کاندی تا آسِمون سَر کَشِنی! جَهَنِمِ دِله سَرنِگون بونی، چوون اَگه مُعجِزه هایی كه تِ دِله اِنجام بَییه سُدومِ دِله اِنجام بونِسه، اون شَهر تا اَمروز به جا موندِسه.

رومی ایشون 9:29

و هَمون طی که اِشَعیائه پِیغَمبِر پیشگویی هاکارده: «اگه خداوندِ لشکرها اَمه وِسه نسلی به جا نییِشته بییه، اِما سُدوم و غَمورَهِ شَهرِ واری بونِسیمی.»

اوّلین نامِه قُرنتیانی سِه 10:11

این کار، نمونهِ واری وِشونِ وِسه اِتّفاق دَکِته و بَنوِشته بَییه تا اَمه وِسه دَرسِ عبرتی بوئه که اون دورهِ دِله زندگی کامبی که آخِرِ زِمونِ.

نامِه مَسیحینی عبرانی نِژادی سِه 4:11

پَس بِئین تقلّا هاکانیم تا اون آسایشِ دِله بوریم، تا هیچ کس این طی نااطاعتی هاکاردنِ هِمراه نَکِفه.

یهودائه نامه 1:15

تا همه ره داوِری هاکانه و تِمومِ بی دینونِ، تِمومِ شریرونه کارایی خاطِری که بی دینیِ دِله هاکاردِنه، مَحکوم هاکانه و تِمومِ اون زشتِ گَب هائه خاطِری که بی دینِ گناهکارون، وه علیه بااوتِنه ره مَحکوم هاکانه.»

یهودائه نامه 1:7

همین طی، سُدوم و عَمورَه و دورِ وَرِ شهرا، که وِشونِ واری بی عفتی هاکاردِنه و اون هرزگیِ دِمبال که تَنِ وِسه غیرِطبیعی بییه بوردِنه، اَبدی تَشِ دِله مجازات بَینه، تا یِتا دَرسِ عبرت همهِ وِسه بوئِن.