اول تیموتائوس 6:21 - کتاب مقدس به زبان مازندرانی - گویش شرقی

²¹ چوون بَعضی آدِمون که این چیائه دِله اِدعا دارنِنه، ایمونِ جِم دور بَینه. فِیض شِمه هِمراه دَووه.

گیله ماز

²¹ چون بعضی آدمان که این چیزانِ دِلِه اِدعا دارَن، ایمان جی دور هَبان. فیض شِیمی هَمرَه دَبو.

کتاب مقدس به زبان مازندرانی - گویش غربی

²¹ چون بعضی آدمن گه هَین چیایی دِلِه اِدعا دارِنِه، ایمونی جا دور بَوِنِه. فیض شِمِه هَمرا دَوو.

اول تیموتائوس 6:21 Cross References

اِنجیلِ مَتّی 6:13

اِما ره آزمودِ دِله نیار بلکه اِما ره شیطانِ جِم رهایی هاده،

رومی ایشون 1:7

همهِ اونایی وِسه که رومِ شَهرِ دِله دَرِنه، که خِدا وِشونِ دوس دارنه و دَعوِت بَینه تا خِدائه مِقدَّسِ قوم بوئِن: فِیض و صِلح و سِلامتی اَمه پییِر، خِدا و خِداوندْ عیسیِ مَسیحِ طَرِفِ جِم، شِمه وِسه بِیّه.

رومی ایشون 16:20

خِدائه صِلح و سِلامتی خَله زود شیطانِ شِمه لینگِ بِن له کانده. اَمه خِداوند عیسیِ فِیض شِمه هِمراه دَووه.

رومی ایشون 16:23

گایوس که مِ جِم و تِمومِ اینجهِ کلیسائه آدِمونِ جِم مِهمون نِوازی هاکارده، شِمه وِسه سِلام رِسِندِنه. اِراستوس که شَهرِ خزونه‌دارِ، و اَمه بِرار کوآرتوس شِمه وِسه سِلام رِسِندِنِنه.

کولُسیان 4:18

مِن، پولُس، این سلامِ شه دَسِ هِمراه نِویسِمبه. مِ زَنجیلا ره این زِندونِ دِله شه یاد بیارین. فِیض شِمه هِمراه دَووه.

اول تیموتائوس 1:19

ایمون و خوارِ وجدانِ بَچِسب، چوون بَعضیا اینائه رَد هاکاردِنه هِمراه، وِشونِ ایمونِ کَشتی، بِشکِسه.

اول تیموتائوس 1:6

بعضیا این چیائه جِم رو بَردِگاردِنینه، بیخودی گَب هائه دِمبال، شه راهِ گم هاکاردِنه.

اول تیموتائوس 6:10

چوون پولدوسی هر جور بَدیِ ریشه هَسه و همین پولِ حرصِ که بعضیا ایمونِ جِم دور بَینه، و شه ره خَله دردائه گرفتار هاکاردِنه.

دوم تیموتائوس 2:18

که حَییقَتِ جِم بَردَگِردِسِنه و گاننه اون روز که مِرده ها زنده بونِنه همین اَلانِ، و این طی بَعضیائه ایمونِ از بین وَرنِنه.

دوم تیموتائوس 4:22

خِداوند تِ روحِ هِمراه دَووه. خِدائه فِیض شِمه هِمراه دَووه.

تیتوس 3:15

تِمومِ اونایی که مِ هِمراه دَرِنه، تِ وِسه سِلام رِسِندِنِنه. اونایی که ایمون دِله اِما ره دوس دارنِنه ره سِلام بَرِسون. فِیض شِما همهِ هِمراه دَووه.

نامِه مَسیحینی عبرانی نِژادی سِه 13:25

فِیض شِما همهِ هِمراه دَووه.