اول تیموتائوس 4:2 - کتاب مقدس به زبان مازندرانی - گویش شرقی

² دِراغ زَن ها و دِرویونی این طی تعالیمِ یارنِنه که وِشونِ وِجدان بَمِرده.

گیله ماز

² دُروزَنان و دُرُویانی اینجور تعالیمِ هارنَن که اوشانه وِجدان بَمِردِه.

کتاب مقدس به زبان مازندرانی - گویش غربی

² دِروزَنِن و دُرویِنی هَینجور تعالیمِ اُرِنِه گه وِشونی وِجدان بَمِردِه.

اول تیموتائوس 4:2 Cross References

اِنجیلِ مَتّی 24:24

چوون که خَیلیا اِنِنه و دِراغی اِدعا کاندِنه که اِما مَسیحِ موعود و پِیغَمبَرِمی و گَت گَتِ معجِزه و کارائه عجیب هم کاندِنه تا اگه بَووه حَتَّی اِنتخاب بَییه ها ره هم گُمراه هاکانِن.

اِنجیلِ مَتّی 7:15

«دِراغی پِیغَمبِرونِ جِم دوری هاکانین كه گُسفِن جِمهِ دِله شِمه پَلی اِنِنه، ولی شه باطنِ دِله درنده وِرگِ نه.

اعمال رَسولان 20:30

حَتَّی شه شِمه میون کِسایی هِرِسِنِنه که حَییقَتِ عَوِض کاندِنه تا شاگردونِ شه دِمبال بَکِشونِن و از راه به دَر هاکانِن.

رومی ایشون 1:28

از اونجه که خِدائه بِشناسییَن، وِشونِ وِسه ارزشی نِداشته، خِدا هم وِشونِ، بَد بَدِ فکرهائه دِله وِل هاکارده تا اون کاری که نَووِسه هاکانِنِ انجام هادِن.

رومی ایشون 16:18

چوون این‌طی آدِمون اَمه خِداوند مَسیحِ، خِدمِت نَکاندِنه، بلکه شه اِشکمِ سیر هاکاردِنِ دِمبال دَرِنه و قَشنگِ گَب ها و چاپلوسیِ هِمراه ساده آدِمونِ گول زَندِنه.

اِفِسُسیان 4:14

پَس دییه کچیکِ وَچونِ واری نَبومبی که موج هائه هِمراه هر طَرِف پرتاب بَوویم و جورواجورِ تعالیم و آدِمونِ دوز و کَلِکِ وا، اون نخشه‌هایی دِله که گمراهیِ وِسه کَشِنِنه، اِما ره این‌ طَرِفِ و اون طَرِف بَوِره.

اِفِسُسیان 4:19

وِشون سنگدل بَینه، و شه ره هَرزگیِ دَس بِسپارِسِنه، جوری که طِمَعِ هِمراه هر ناپاکی ره دَس بَزونه.

دوم تیموتائوس 3:5

ظاهراً دیندارِنه، ولی اونِ قِوَّتِ انکار کاندِنه. این طی آدِمائه جِم دوری هاکانین.

یوحنایِ مکاشفه 16:14

چوون اینا دیوهائه اِرواحِنه که نشونه و معجزات یارنِنه و تِمومِ دِنیائه پادشاهونِ پَلی شونِنه تا وِشونِ، خِدائه قادرِ مطلقِ گَتِ روزِ دِله جنگِ وِسه جَمع هاکانِن.