اول تیموتائوس 3:13 - کتاب مقدس به زبان مازندرانی - گویش شرقی

¹³ چوون اونایی که شِماسونِ مقامِ دِله که خوار خِدمِت هاکارده بوئِن، یِتا خوارِ مقام گِرنِنه و اون ایمونِ دِله که مَسیحْ عیسیِ دِله ئه، گَتِ اِطمینان به دَس یارنِنه.

گیله ماز

¹³ چون شَماسّانِی که خُجیر خِدمَت هَکُردهِ بون، ایتا خُجیرِ مقام گیرِنَن و اون ایمان دِلهِ که مسیحْ عیسی یِه دِلِئه، گَتِه اطمینان بِدس هارنَن.

کتاب مقدس به زبان مازندرانی - گویش غربی

¹³ چون اونانیگه شَماسِنی مقامی دِلِه خِبِ خِدمَت هاکِرد وون، یَتِه خِبِ مقام گیرِنِه و هون ایمونی دِلِه گه مَسیحْ عیسایی دِلِئه، گَتِه اطمینان بِدس اُرِنِه.

اول تیموتائوس 3:13 Cross References

اِنجیلِ مَتّی 20:28

حَتّی اِنسانِ ریکا هَم نییَمو تا وه ره خِدمِت هاکانِن، بلکه بییَمو خِدمِت هاکانه و شه جانِ، خَیلیائه نِجاتِ وِسه فِدا هاکانِه.

اِنجیلِ مَتّی 25:21

وه اَرباب بااوته: 'آفِرین، ای باوِفا و خوارِ نوکِر، اِسا که این کَمِ پولِ دِله اَمین بیئی، پول ویشتَری تِ اختیار اییِلمه. بِرو شه اَربابِ خِشالیِ دِله شَریک بَواش.

لوقا 19:17

وه ره بااوته: ”آفِرین، ای خوارِ نوکِر! چوون کمِ چیِ دِله اَمین بیئی، دَه تا شَهرِ حکومتِ تِ ره دِمبه.“

اعمال رَسولان 21:35

وَختی پولُس، قلعهِ پله‌هائه نَزیکی بَرِسیه، جَمیِّت اَنده عَصِبانی بینه که سربازون مجبور بَینه وه ره شه بالِ سَر بَوِرِن.

اعمال رَسولان 6:15

هَمون مووقه، تِمومِ اونایی که شورائه دِله نیشته بینه اِستیفانِ زِل بَزو بینه و بَدینه که استیفانِ دیم یِتا فِرشتهِ دیمِ واری بَییه.

اعمال رَسولان 6:5

اونچی که رسولون بااوتِنه همه نَظِر خوار بییَمو و این آدِمونِ انتخاب هاکاردِنه: اِستیفان، مَردی که روح‌القُدُس و ایمونِ جِم پِر بییه، فیلیپُس، پْروخُروس، نیکانُر، تیمُن، پارمِناس و نیکُلائوس که اَنطاکیهِ دِله یَهودی بَییه بییه.

اعمال رَسولان 6:8

استیفان، فِیض و قِوَّتِ جِم پِر بییه و قومِ دِله خَله عجیبِ کارا و معجزات کارده.

اوّلین نامِه قُرنتیانی سِه 16:15

دوندِنی که اِستِفاناسِ خانواده اَوِّلین کِسایی بینه که اَخائیهِ مَنطقهِ دِله ایمون بیاردِنه، و وِشون شه ره مِقدَّسینِ خِدمِتِ وِسه وَقف هاکاردِنه. ای بِرارون، شِمه جِم خواهش کامبه

فیلیپیان 1:14

و مِ زندون دَکِتِنِ باعث بَییه که ویشتر بِرارون، خِداوندِ دِله وِشونِ دِل، قَویتر بَووه تا تِمومِ جِرأتِ هِمراه، بی تَرس خِدائه کِلامِ بارِن.

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.

اول تیموتائوس 3:14

امید دارمه که خَله زود تِ پَلی بِیِّم، ولی اینا ره تِ وِسه نِویسِمبه،

دوم تیموتائوس 2:1

پَس تِ مِ وَچه، اون فیضی هِمراه که مَسیحْ عیسیِ دِله دَره قَوی بَواش،

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.