اول تیموتائوس 2:4 - کتاب مقدس به زبان مازندرانی - گویش شرقی

⁴ که خوانه همهِ مَردِم نِجات بَیرِن و حَییقَتِ بِشناسِن.

گیله ماز

⁴ که خَنِهِ تمام مَردُم نِجات هَگیرَن و حَقیقتِ بِشناسِن.

کتاب مقدس به زبان مازندرانی - گویش غربی

⁴ گه خواینِه دِشتِه مَردِن نِجات بَیرِن و حَیقتِ بِشناسِن.

اول تیموتائوس 2:4 Cross References

اِنجیلِ مَتّی 28:19

پَس بُورین و تِمومِ قومِ شاگِرد بَسازین و وِشونِ به اسمِ پییِر، و ریکا و روح القدس غسلِ تَعمید هادین

مَرقُس 16:15

بعد وِشونِ بااوته: «تِمومِ دِنیائه دِله بُورین و انجیلِ تِمومِ مَردِمِ وِسه اِعلام هاکانین.

لوقا 1:77

و وه قومِ آگاه هاکانی که نِجات اینِ دِله دَره که وِشونِ گِناهون بیامِرزی بَووه.

لوقا 14:23

بعد وه اَرباب بااوته: ”شاه راه و کورِ راههایی که شَهرِ جِم بیرون دَرِنه، بور و اِصرارِ هِمراه مَردِمِ مِ دَعوتیِ دِله بیار تا مِ سِره پِر بَووه .

لوقا 24:47

و این که وه اسمِ هِمراه تووبه و گِناهونِ آمرزش، تِمومِ قومها ره هِدا بونه، که اونِ شِروع اورشَلیمِ جِم هَسه.

اِنجیلِ یوحنا 14:6

عیسی وه ره بااوته: «مِن راه و راستی و زِندِگی هَسِمه؛ هیچ کی جِز مِ طَریقِ جِم، آسِمونی پییِرِ پَلی نِنّه.

اِنجیلِ یوحنا 17:17

حَییقَتِ وِشونِ یاد هاده تا مِقَدَّس بَووِن، تِ کِلام حَییقَتِ.

اِنجیلِ یوحنا 6:37

تِمومِ کِسایی که پییِر مِ ره دِنه، مِ پَلی اِنِنه؛ و هر کی که مِ پَلی اِنه، وه ره هیچ وَخت شه وَرِ جِم بیرون نَکامبه.

رومی ایشون 11:14

این امیدِ هِمراه که شه همنژادونِ غیرتی هاکانِم وِشونِ جِم بَعضیا ره نِجات هادِم.

اول تیموتائوس 4:10

چوون اِما اینِ وِسه زَحمِت کَشِمبی و تَقِلّا کامبی، چوون اِما شه امیدِ، زنده خِدائه سَر بییِشتیمی که تِمومِ آدِمونِ نجات‌دهنده ئه، بخصوص اونایی که ایمون دارنِنه.

دوم تیموتائوس 2:25

وِنه اونایی که مخالفِنه ره نرمیِ هِمراه اِصلاح هاکانه، شاید خِدا وِشونِ تووبه عطا هاکانه تا حَییقَتِ بِشناسِن

دوم تیموتائوس 3:7

این زَن ها هَمِش تَعلیم گِرنِنه، ولی هیچ وَخت نَتوندِنه حَییقَتِ بِشناسِن.

تیتوس 1:1

پولُسِ طَرِف جِم، خِدائه نوکِر و عیسی مَسیحِ رسول، که تعیین بَیمه تا خِدائه انتخاب بَییه هائه ایمونِ تقویِت هاکانِم و اون حَییقتی که طبقِ دینداری هَسه ره بارِم.

تیتوس 2:11

چوون خِدائه فِیض دیار بَییه، اون فِیض که همه مَردِمِ نجات‌ دِنه

نامِه مَسیحینی عبرانی نِژادی سِه 10:26

چوون اگه بعد از اون که حَییقَتِ بِشناسیمی، عمداً این طی گِناه هاکانیم، دییه گِناهونِ وِسه هیچ قِروونی ای به جا نَموندِنه؛

یعقوبِ نامه 3:14

ولی اگه شه دلِ دِله تَلِ حسودی و خِد خواهی دارنِنی، شه ره نَیرین و خِلافِ حَییقَت گَب نَزِنین.

پطرسی دِوّمین نامِه 3:9

برخلاف بَعضیائه گَمون، خِداوند شه وعدهِ انجام هِدائنِ‌ دِله دیر نَکانده، ولی این طی نییه، بلکه شِمه هِمراه صَبورِ، چوون نِخوانه هیچ کس هِلاک بَووه بلکه خوانه همه تووبه هاکانِن.

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -

یوحنایِ مکاشفه 14:6

بعد یِتا دییه فرشته‌ بَدیمه که آسمونِ میون پرواز کارده و اَبدی اِنجیلِ شه هِمراه داشته تا اونِ اونایی که زِمینِ دِله دَرِنه، و هر ملّت و طایفه و زِوون و قومِ اِعلام هاکانه.